Да воскреснет Бог и расточатся врази Его, и да бежат от лица Его ненавидящие Его. Яко исчезает дым, да исчезнут; яко тает воск от лица огня, тако да погибнут грешницы от лица Божия, а праведницы да возвеселятся. Господь Бог благословен, поспешит нам Бог спасений наших. Дивен Бог во святых Своих, Бог Израилев, Той даст силу и державу людем Своим.

Мученику Иоанну Воину

О, мучениче Христов Иоанне Воине! Храбрый во бранех, и скорый заступник православных христиан в бедах и напастях их, по данной благодати от Бога! Буди нам поборник крепок на вся видимыя и невидимыя враги наша. Воинству нашему на враги победу даруй, да смирятся противящиися нам и вразумятся, и Бога истиннаго познают и святую Его Церковь Православную. Мы же, грешнии, да сподобимся прославляти Господа Спаса нашего во Царствии Его вкупе с тобою во веки. Аминь.

 Молитва св. Архистратигу Божию Архангелу Михаилу
Святый и великий Архистратиже Божий Михаиле, ниспровергий с небесе диавола и воинство его! К тебе с верою прибегаем и тебе с любовию молимся, буди щит несокрушим и забрало твердо Святей Церкви и православному Отечествию нашему, ограждая их молниеносным мечем твоим от всех враг видимых и невидимых. Буди Ангел хранитель, наставник премудр и споспешник предводителем нашим. Буди вождь и соратай непобедимь христолюбивому воинству нашему, венчая его славою и победами над супостаты, да познают вси противляющиися нам, яко с нами Бог и святии Ангелы Его. Аминь.

Серия сообщений "Молитвы":
Часть 1 - 8 октября - День памяти прп.Сергия Радонежского
Часть 2 - Молитва о семье
...
Часть 4 - Молитвы на обретение (покупку, обмен, продажу квартиры) жилья
Часть 5 - Как молиться за учебу и перед экзаменами
Часть 6 - Молитвы о даровании победы в сражении
Часть 7 - Молитва-аффирмация для разрешения финансовых проблем
Часть 8 - Обережные молитвы для любимых
...
Часть 35 - Молитвы для успехов детей в работе и их благосостояния в обществе, для помощи в поисках высокооплачиваемой работы
Часть 36 - Молитва о замужестве дочери Матроне и Николаю Чудотворцу
Часть 37 - Молитва в первый день нового года