Для человека, глубоко укорененного в православной традиции, представляется немыслимым, как можно обращаться к Богу на современном русском языке.

А для человека, только приходящего к вере, церковнославянский язык непривычен и малопонятен.

Востав от сна, прежде всякого другого дела, стань благоговейно, представляя себя пред Всевидящим Богом, и, совершая крестное знамение, произнеси:

Во и́мя Отца́, и Сы́на, и Свята́го Ду́ха, Ами́нь.

*Аминь – верно, истинно, истинно так, подлинно (с др. – евр. яз.). Это слово употребляется при окончании многих молитв для большей силы утверждения истинности сказанного.

Затем немного подожди, пока все чувства твои не придут в тишину и мысли твои не оставят все земное, и тогда произноси следующие молитвы, без поспешности и со вниманием сердечным:

Молитва мытаря
(Евангелие от Луки, глава 18, стих 13)

Бо́же, ми́лостив бу́ди мне гре́шному. (Поклон)

* Мытарь – сборщик податей и пошлин в Палестине. «Грешник», «язычник» и «мытарь» были синонимами у евреев того времени, тем не менее многие из мытарей уверовали во Христа.

Боже, будь милостив ко мне, грешному.

Молитва предначинательная

Го́споди Иису́се Христе́, Сы́не Бо́жий, молитв ра́ди Пречи́стыя Твоея́ Ма́тере и всех святы́х, поми́луй нас. Ами́нь.
Сла́ва Тебе́, Бо́же наш, сла́ва Тебе́.

* Предначинательная — первоначальная, начальная.

Господи Иисусе Христе, Сыне Божий,
по молитвам Пречистой Твоей Матери и всех святых, помилуй нас.
Хвала Тебе, Боже наш, хвала Тебе.

* Слава — хвала. В этой молитве мы ничего не просим у Бога, а только славим Его. Ее можно сказать короче: Слава Богу. Произносится она по окончании дела в знак нашей благодарности Богу за Его милости к нам.

Молитва Святому Духу

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй,
Сокро́вище благи́х и жи́зни Пода́телю,
прииди́ и всели́ся в ны, и очи́сти ны от вся́кия скве́рны,
и спаси́, Бла́же, ду́ши на́ша.

* Царю, Утешителю, Душе (Дух), Подателю, Блаже (Благой) – формы звательного падежа. 
* Иже везде сый и вся исполняяй – пребывающий везде и все (весь мир, все бытие) наполняющий.

Царь Небесный, Утешитель, Дух истины, везде сущий и всё наполняющий,
Сокровище благ и Податель жизни, прииди и поселись в нас,
очисти нас от всякого греха и спаси, Преблагий, души наши.
 

Трисвятое

Святы́й Бо́же, Святы́й Кре́пкий, Святы́й Безсме́ртный, поми́луй нас.
(Читается трижды, с крестным знамением и поясным поклоном.)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

* Крепкий — Всесильный

Молитва ко Пресвятой Троице

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша;
Святы́й, посети́ и исцели́ не́мощи на́ша, и́мене Твое́го ра́ди.

* Троице — Троица, три Лица Божества: Бог Отец, Бог Сын и Бог Дух Святой;
* Трижды – по числу Лиц Святой Троицы.

Пресвятая Троица, помилуй нас; Господи (Отче), прости нам грехи наши; Владыко (Сын Божий), прости беззакония наши; Святый (Дух), посети нас и исцели наши болезни, для прославления имени Твоего.

Го́споди, поми́луй. (Трижды).

* Помилуй — будь милостив, прости. Это древнейшая и общая у всех христиан молитва. Мы ее произносим, когда вспоминаем наши грехи. Во славу Святой Троицы эту молитву мы произносим три раза. Двенадцать раз мы произносим эту молитву, испрашивая у Бога благословение на каждый час дня и ночи. Сорок раз — для освящения всей нашей жизни.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

* ныне — теперь; присно — всегда; во веки веков — вечно, или в бесконечные веки.

 

Молитва Господня

О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́.
Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

* Этой молитвой заповедал Своим ученикам и всем христианам молиться Сам Господь Иисус Христос;
* Хлеб наш насущный даждь нам днесь — то есть подай нам на сей день, на сегодня, хлеб наш насущный. Под хлебом здесь разумеется все необходимое для жизни нашей на земле: пища, одежда, жилище
* остави нам долги наша, якоже и мы оставляем должником нашим —  прости нам, как и мы прощаем  (мы не можем получить отпущение грехов, если мы не сделаем того же относительно наших должников ( согрешающего против нас называют должником нашим); в этом прошении грехи наши названы долгами нашими, потому что Господь дал нам силы, способности и все остальное для того, чтобы творить добрые дела, а мы часто все это обращаем на грех и зло и становимся должниками пред Богом;
* От лукавого – от диавола и, вообще, от всякого зла.

Отец наш Небесный! Да святится имя Твое; да приидет Царство Твое; да будет воля Твоя и на земле, как и на небе.
Хлеб наш насущный дай нам на этот день; и прости нам долги (грехи) наши, как и мы прощаем согрешившим против нас;  и не допусти нас до соблазна, но избавь нас от лукавого (диавола).

Тропари Троичные

  Воста́вше от сна, припа́даем Ти, Бла́же, и а́нгельскую песнь вопие́м Ти, Си́льне: Свят, Свят, Свят еси́, Бо́же, Богоро́дицею поми́луй нас.

* Богородицею – по молитвам Богородицы.

  Сла́ва: От одра́ и сна воздви́гл мя еси́, Го́споди, ум мой просвети́ и се́рдце, и устне́ мои́ отве́рзи, во е́же пе́ти Тя, Свята́я Тро́ице: Свят, Свят, Свят еси́, Бо́же, Богоро́дицею поми́луй нас.
И ны́не и при́сно и во ве́ки веко́в. Ами́нь.

* Тропарь — песнопение в честь какого-л. православного праздника или святого;
* Тропари Троичные – тропари, обращенные ко Пресвятой Троице;
* В молитвословах и богослужебных книгах часто пишут кратко «Слава», «И ныне», но читать надо полностью: «Слава Отцу и Сыну и Святому Духу», «И ныне и присно и во веки веков. Ами́нь»

  Внеза́пно Судия́ прии́дет, и коего́ждо дея́ния обнажа́тся, но стра́хом зове́м в полу́нощи: Свят, Свят, Свят еси́, Бо́же, Богоро́дицею поми́луй нас.
Го́споди, поми́луй. (12 раз)

  Восстав от сна, припадаем к Твоим стопам, Благой, и ангельскую песнь возглашаем Тебе, Сильный: Свят, Свят, Свят Ты, Боже, по молитвам Богородицы помилуй нас.

  Слава: С постели и от сна Ты поднял меня, Господи, ум мой просвети и сердце, и уста мои отверзи, чтобы воспевать Тебя, Святая Троица: Свят, Свят, Свят Ты, Боже, по молитвам Богородицы помилуй нас.

  И ныне: Внезапно Судия придет, и дела каждого обнаружатся. Но в страхе воскликнем в полночь: Свят, Свят, Свят Ты, Боже, по молитвам Богородицы помилуй нас.

Молитва ко Пресвятой Троице

От сна воста́в, благодарю́ Тя, Свята́я Тро́ице, я́ко мно́гия ра́ди Твоея́ бла́гости и долготерпе́ния не прогне́вался еси́ на мя, лени́ваго и гре́шнаго, ниже́ погуби́л мя еси́ со беззако́ньми мои́ми;
но человеколю́бствовал еси́ обы́чно и в неча́янии лежа́щаго воздви́гл мя еси́, во е́же у́треневати и славосло́вити держа́ву Твою́.
И ны́не просвети́ мои́ о́чи мы́сленныя, отве́рзи моя́ уста́ поуча́тися словесе́м Твои́м, и разуме́ти за́поведи Твоя́, и твори́ти во́лю Твою́, и пе́ти Тя во исповеда́нии серде́чнем, и воспева́ти всесвято́е и́мя Твое́, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Прииди́те, поклони́мся Царе́ви на́шему Бо́гу. (Поклон)
Прииди́те, поклони́мся и припаде́м Христу́, Царе́ви на́шему Бо́гу. (Поклон)
Прииди́те, поклони́мся и припаде́м Самому́ Христу́, Царе́ви и Бо́гу на́шему. (Поклон)

Восстав от сна, благодарю Тебя, Святая Троица, ибо по множеству Твоей благости и долготерпению не прогневался на меня, ленивого и грешного, и не предал меня смерти за беззакония мои, но оказал мне свойственное Тебе человеколюбие и поднял меня, в беспечности лежащего, чтобы принести Тебе утреннюю молитву и прославлять силу Твою.
И ныне просвети мысли мои, отверзи уста мои, чтобы мне поучаться слову Твоему и уразумевать заповеди Твои, и исполнять волю Твою, и прославлять Тебя в благодарном сердце и воспевать всесвятое имя Твое, Отца и Сына и Святаго Духа, ныне, и всегда, и в веки вечные. Аминь.

Приидите, поклонимся Царю нашему Богу.
Приидите, поклонимся и повергнемся на землю пред Христом Царем, нашим Богом.
Приидите, поклонимся и повергнемся на землю пред самим Христом, Царем и Богом нашим.
 

Псалом 50

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя; яко беззако́ние мое́ аз зна́ю, и грех мой пре́до мно́ю есть вы́ну. Тебе́ Еди́ному согреши́х и лука́вое пред Тобо́ю  сотвори́х, я́ко да оправди́шися во словесе́х Твои́х, и победи́ши внегда́ суди́ти Ти. Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя.
Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твое́го и Ду́хом влады́чним утверди́ мя. Научу́ беззако́ныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.

* 50-й псалом представляет собой покаянную молитву царя Давида, написанную после того, как к нему пришел пророк Нафан и обличил его в содеянных преступлениях: подстроенной им смерти в бою воина Урия и прелюбодеянии с его женой Вирсавией.
По глубине покаяния и по силе выраженного в нем смирения 50-й псалом превосходит, быть может, все остальные.

Помилуй меня, Боже, по великой милости Твоей, и по множеству щедрот Твоих очисти меня от беззакония моего. Особенноо омой меня от беззакония моего и от греха моего очисти меня. Ибо беззаконие мое знаю, и грех мой всегда предо мною. Тебе Единому я согрешил и лукавое пред Тобою сотворил, так что праведен Ты в приговорах Твоих и победишь, когда будешь судить.
Знаю, в беззакониях зачат я, и во грехах родила меня мать моя. Знаю, истину Ты возлюбил и сокровенные тайны премудрости Твоей открыл мне. Окропишь меня иссопом, и стану чист; омоешь меня, и стану снега белее. Даруешь мне услышать радость и веселие, и возрадуются кости сокрушенные. Отврати лицо Твое от грехов моих и от всех беззаконий моих очисти меня. Сердце чистым сотвори во мне, Боже, и дух правды возроди во мне.
Не отвергни меня от лица Твоего и Духа Твоего Святого не отними от меня. Возврати мне радость о спасении моем и Духом державным утверди меня. Научу беззаконных путям Твоим, и нечестивые к Тебе обратятся. Избавь меня от крови, Боже, Боже, спасающий меня, и в радости восхвалит язык мой правду Твою. Господи, уста мои отверзи, и уста мои изрекут хвалу Тебе. Если бы восхотел Ты жертвы, я принес бы ее, но к всесожжению Ты не благоволишь. Жертва Богу дух сокрушенный, сердце сокрушенное и смиренное не унизит Бог. Окажи, Господи, благоволение Твое Сиону, воздвигни стены Иерусалимские. Тогда благоволить будешь к жертве правды, возношению и всесожжению; тогда возложат на алтарь Твой тельцов.
 

Символ веры

Ве́рую во еди́наго Бо́га Отца́, Вседержи́теля, Творца́ не́бу и земли́, ви́димым же всем и неви́димым. И во еди́наго Го́спода Иису́са Христа́, Сы́на Бо́жия, Единоро́днаго, И́же от Отца́ рожде́ннаго пре́жде всех век; Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, И́мже вся бы́ша.
Нас ра́ди челове́к и на́шего ра́ди спасе́ния сше́дшаго с небе́с и воплоти́вшагося от Ду́ха Свя́та и Мари́и Де́вы и вочелове́чшася. Распя́таго же за ны при Понти́йстем Пила́те, и страда́вша, и погребе́нна. И воскре́сшаго в тре́тий день по Писа́нием.
И возше́дшаго на небеса́, и седя́ща одесну́ю Отца́. И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́.
И в Ду́ха Свята́го, Го́спода, Животворя́щаго, И́же от Отца́ исходя́щаго, И́же со Отце́м и Сы́ном спокланя́ема и ссла́вима, глаго́лавшаго проро́ки.
Во еди́ну Святу́ю, Собо́рную и Апо́стольскую Це́рковь. Испове́дую еди́но креще́ние во оставле́ние грехо́в. Ча́ю воскресе́ния ме́ртвых, и жи́зни бу́дущаго ве́ка. Ами́нь.

Символ веры — одна из главных молитв для православных христиан. Именно в ней содержатся главные положения православной веры.


Верую в единого Бога Отца, Вседержителя, Творца неба и земли, всего видимого и невидимого.
И в единого Господа Иисуса Христа, Сына Божия, Единородного, рожденного от Отца прежде всех веков: Света от Света, Бога истинного от Бога истинного, рожденного, не сотворенного, одного существа с Отцом, Им же все сотворено.
Ради нас людей и ради нашего спасения сошедшего с небес и принявшего плоть от Духа Святого и Марии Девы, и ставшего человеком.
Распятого же за нас при Понтийском Пилате, и страдавшего, и погребенного. И воскресшего в третий день, согласно Писанию.
И восшедшего на небеса, и сидящего по правую сторону Отца.
И снова грядущего со славою, чтобы судить живых и мертвых, Его же Царству не будет конца.
И в Духа Святого, Господа, дающего жизнь, от Отца исходящего, с Отцом и Сыном сопоклоняемого и прославляемого, говорившего через пророков.
В единую, Святую, Соборную и Апостольскую Церковь.
Признаю одно крещение для прощения грехов. Ожидаю воскресения мертвых. И жизни будущего века. Аминь. (истинно так).

Молитва первая, святого Макария Великого

Бо́же, очи́сти мя гре́шнаго, я́ко николи́же сотвори́х благо́е пред Тобо́ю; но изба́ви мя от   лука́ваго, и да бу́дет во мне во́ля Твоя́, да неосужде́нно отве́рзу уста́ моя́ недосто́йная
и восхвалю́ и́мя Твое́ свято́е, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

* Да неосужде́нно отве́рзу уста́ моя недосто́йная – да открою мои недостойные (хвалить Тебя) уста, не подвергаясь за это осуждению (ибо: Не всякий говорящий Мне: «Господи! Господи!», войдет в Царство Небесное (Мф. 7, 21).

Боже, очисти меня грешного, так как никогда я не сделал доброго пред Тобою; но избавь меня от зла, и пусть будет во мне воля Твоя, чтобы мне не в осуждение открыть уста мои недостойные и восхвалить имя Твое святое, Отца и Сына и Святаго Духа, ныне, и всегда, и в веки вечные. Аминь.

 

Молитва вторая, святого Макария Великого

От сна воста́в, полу́нощную песнь приношу́ Ти, Спа́се, и припа́дая вопию́ Ти: не да́ждь ми усну́ти во грехо́вней сме́рти, но уще́дри мя, распны́йся во́лею, и лежа́щаго мя в ле́ности ускори́в возста́ви, и спаси́ мя в предстоя́нии и моли́тве, и по сне нощне́м возсия́й ми день безгре́шен, Христе́ Бо́же, и спаси́ мя.

Восстав от сна, в полночь приношу песнь Тебе, Спаситель, и, припадая к стопам Твоим, взываю к Тебе: не дай мне уснуть во греховной смерти, но сжалься надо мною, добровольно распявшийся, и, лежащего меня в беспечности, поспеши поднять, и спаси меня, стоящего пред Тобою на молитве; и после сна ночного ниспошли мне ясный и безгрешный день, Христе Боже, и спаси меня.


Молитва третья, святого Макария Великого

К Тебе́, Влады́ко Человеколю́бче, от сна воста́в прибега́ю, и на дела́ Твоя́ подвиза́юся милосе́рдием Твои́м, и молю́ся Тебе́: помози́ ми на вся́кое вре́мя, во вся́кой ве́щи, и изба́ви мя от вся́кия мирски́я злы́я ве́щи и диа́вольскаго поспеше́ния, и спаси́ мя, и введи́ в Ца́рство Твое́ ве́чное.
Ты бо еси́ мой Сотвори́тель и вся́кому бла́гу Промы́сленник и Пода́тель, о Тебе́ же все упова́ние мое́, и Тебе́ сла́ву возсыла́ю, ны́не и при́сно и во ве́ки веко́в. Ами́нь.

К Тебе, Владыка Человеколюбец, восстав от сна, спешу я; и за угодные Тебе дела принимаюсь по милосердию Твоему и молюсь Тебе: помоги мне во всякое время и во всяком деле, и избавь меня от всяких мирских злых дел и от диавольского действия, и спаси меня, и введи в Царство Твое вечное.
Ибо Ты - мой Творец и всякого блага Источник и Податель; в Тебе же - вся надежда моя, и Тебе хвалу воссылаю, теперь, и всегда, и в веки вечные. Аминь.

Молитва четвёртая, святого Макария Великого

Го́споди, И́же мно́гою Твое́ю бла́гостию и вели́кими щедро́тами Твои́ми дал еси́ мне, рабу́ Твоему́, мимоше́дшее вре́мя но́щи сея́ без напа́сти прейти́ от вся́каго зла проти́вна;
Ты Сам, Влады́ко, вся́ческих Тво́рче, сподо́би мя и́стинным Твои́м све́том и просвеще́нным се́рдцем твори́ти во́лю Твою́, ны́не и при́сно и во ве́ки веко́в. Ами́нь.

Господи, Ты, по многой Твоей благости и великому Твоему милосердию, дал мне, рабу Твоему, минувшую ночь эту провести без искушений от всякого противостоящего мне зла.
Ты Сам, Владыка, Творец всего, удостой меня при свете Твоей истины с просвещенным сердцем исполнять волю Твою, ныне, и всегда, и в веки вечные. Аминь.
 

Молитва пятая, святого Василия Великого

Го́споди Вседержи́телю, Бо́же сил и вся́кия пло́ти, в вы́шних живы́й и на смире́нныя призира́яй, се́рдца же и утро́бы испыту́яй и сокрове́нная челове́ков я́ве предве́дый, Безнача́льный и Присносу́щный Све́те, у Него́ же несть премене́ние, или́ преложе́ния осене́ние; Сам, Безсме́ртный Царю́, приими́ моле́ния на́ша, я́же в настоя́щее вре́мя, на мно́жество Твои́х щедро́т дерза́юще, от скве́рных к Тебе́ усте́н твори́м, и оста́ви нам прегреше́ния на́ша, я́же де́лом, и сло́вом, и мы́слию, ве́дением, или́ неве́дением согреше́нная на́ми; и очи́сти ны от вся́кия скве́рны пло́ти и ду́ха.
И да́руй нам бо́дренным се́рдцем и тре́звенною мы́слию всю настоя́щаго жития́ нощь прейти́,
ожида́ющим прише́ствия све́тлаго и явле́ннаго дне Единоро́днаго Твое́го Сы́на, Го́спода и Бо́га и Спа́са на́шего Иису́са Христа́, в о́ньже со сла́вою Судия́ всех прии́дет, кому́ждо отда́ти по де́лом его́; да не па́дше и облени́вшеся, но бо́дрствующе и воздви́жени в де́лание обря́щемся гото́ви,
в ра́дость и Боже́ственный черто́г сла́вы Его́ совни́дем, иде́же пра́зднующих глас непреста́нный, и неизрече́нная сла́дость зря́щих Твое́го лица́ добро́ту неизрече́нную.
Ты бо еси́ и́стинный Свет, просвеща́яй и освяща́яй вся́ческая, и Тя пое́т вся тварь во ве́ки веко́в. Ами́нь.

Господи Вседержитель, Боже сил бесплотных и всякой плоти, на высотах небесных живущий и преклоняющий взор на земное, испытывающий сердца и помыслы и ведающий тайны человеческие, Безначальный и Вечный Свет, Который не имеет изменения в силе и нигде не оставляет затененного места.
Ты Сам, Бессмертный Царь, прими моления наши, которые мы сейчас, надеясь на обилие сострадания Твоего, оскверненными устами приносим Тебе; и прости нам прегрешения наши, совершенные нами делом, словом и мыслию, сознательно или по неведению, и очисти нас от всякой нечистоты плоти и духа.
И даруй нам с бодрствующим сердцем и трезвым разумом всю ночь нашей нынешней земной жизни пройти ожидающими наступления светлого и славного дня Второго Пришествия Единородного Твоего Сына, Господа и Бога и Спасителя нашего Иисуса Христа, когда Он, Судия всех, придет со славою воздать каждому по делам его;
да окажемся не лежащими и обленившимися, но бодрствующими и поднявшимися исполнять заповеди Его, и войдем с Ним в радость и Божественный чертог славы Его, где неумолкающие голоса празднующих и невыразимая радость созерцающих несказанную красоту лица Твоего.
Ибо Ты истинный Свет, просвещающий и освящающий весь мир, и Тебя воспевает все творение в веки вечные. Аминь.

Молитва шестая, святого Василия Великого

Тя благослови́м, вы́шний Бо́же и Го́споди ми́лости, творя́щаго при́сно с на́ми вели́кая же и неизсле́дованная, сла́вная же и ужа́сная, и́хже несть числа́, пода́вшаго нам сон во упокое́ние не́мощи на́шея, и ослабле́ние трудо́в многотру́дныя пло́ти.
Благодари́м Тя, якo не погуби́л еси́ нас со беззако́ньми на́шими, но человеколю́бствовал еси́ обы́чно, и в неча́янии лежа́щия ны воздви́гл еси́, во е́же славосло́вити держа́ву Твою́.
Те́мже мо́лим безме́рную Твою́ бла́гость, просвети́ на́ша мы́сли, очеса́, и ум наш от тя́жкаго сна ле́ности возста́ви: отве́рзи на́ша уста́, и испо́лни я Твое́го хвале́ния, я́ко да возмо́жем непоколе́блемо пе́ти же и испове́датися Тебе́, во всех, и от всех сла́вимому Бо́гу, Безнача́льному Отцу́, со Единоро́дным Твои́м Сы́ном, и Всесвяты́м и Благи́м и Животворя́щим Твои́м Ду́хом, ны́не и при́сно и во ве́ки веко́в. Ами́нь.

Тебя восхваляем, Всевышний Боже и Господи милости, всегда творящего с нами дела великие и непостижимые, достойные прославления и ужасные, которым нет числа, подавшего нам сон для успокоения немощи нашей и для отдыха от трудов много трудившейся плоти.
Благодарим Тебя, что не погубил нас с беззакониями нашими, но поступил, как обычно, человеколюбиво и нас, в бесчувствии сна лежащих, воздвиг на прославление могущества Твоего.
Потому мы молим Твою безмерную благость: просвети наши мысли и очи, ум же наш от тяжкого сна лености пробуди; отверзи наши уста и наполни их словами Твоего восхваления, да сможем с непоколебимой верой приносить Тебе хвалебное пение и прославлять Тебя, во всех и от всех прославляемого Бога, Безначального Отца с Единородным Твоим Сыном и Всесвятым, и Благим, и Животворящим Твоим Духом ныне, и всегда, и в веки вечные. Аминь.

Молитва седьмая, ко Пресвятой Богородице

Воспева́ю благода́ть Твою́, Влады́чице, молю́ Тя, ум мой облагодати́. Ступа́ти пра́во мя наста́ви, путе́м Христо́вых за́поведей. Бде́ти к пе́сни укрепи́, уны́ния сон отгоня́ющи.
Свя́зана плени́цами грехопаде́ний, мольба́ми Твои́ми разреши́, Богоневе́сто. В нощи́ мя и во дни сохраня́й, борю́щих враг избавля́ющи мя. Жизнода́теля Бо́га ро́ждшая, умерщвле́на мя страстьми́ оживи́. Я́же Свет невече́рний ро́ждшая, ду́шу мою́ осле́пшую просвети́. О ди́вная Влады́чня пала́то, дом Ду́ха Боже́ственна мене́ сотвори́. Врача́ ро́ждшая, уврачу́й души́ моея́ многоле́тныя стра́сти. Волну́ющася жите́йскою бу́рею, ко стези́ мя покая́ния напра́ви. Изба́ви мя огня́ ве́чнующаго, и че́рвия же зла́го, и та́ртара. Да мя не яви́ши бесо́м ра́дование, и́же мно́гим грехо́м пови́нника. Но́ва сотвори́ мя, обетша́вшаго нечу́вственными, Пренепоро́чная, согреше́нии. Стра́нна му́ки вся́кия покажи́ мя, и всех Влады́ку умоли́. Небе́сная ми улучи́ти весе́лия, со все́ми святы́ми, сподо́би.
Пресвята́я Де́во, услы́ши глас непотре́бнаго раба́ Твоего́. Струю́ дава́й мне слеза́м, Пречи́стая, души́ моея́ скве́рну очища́ющи. Стена́ния от се́рдца приношу́ Ти непреста́нно, усе́рдствуй, Влады́чице. Моле́бную слу́жбу мою́ приими́, и Бо́гу благоутро́бному принеси́. Превы́шшая А́нгел, мирска́го мя превы́шша сли́тия сотвори́. Светоно́сная Се́не небе́сная, духо́вную благода́ть во мне напра́ви. Ру́це возде́ю и устне́ к похвале́нию, оскверне́ны скве́рною, Всенепоро́чная.  Душетле́нных мя па́костей изба́ви, Христа́ приле́жно умоля́ющи; Ему́же честь и поклоне́ние подоба́ет, ны́не и при́сно и во ве́ки веко́в. Ами́нь.

Воспеваю благодать Твою, Владычица, и молю Тебя, ум мой облагодатствуй. Наставь меня ходить право путем Христовых заповедей. Укрепи бодрствовать в пении, отгоняя сон унылого расслабления. Связанного цепями греховных падений мольбами Твоими освободи, Невеста Божия. Ночью и днем сохраняй меня, избавляя от нападающих врагов. Бога родившая, Подателя жизни, меня, умерщвленного страстями, оживи. Свет Невечерний родившая, душу мою ослепшую озари светом. О дивный Чертог Владыки, домом Духа Божественного меня соделай. Врача родившая, уврачуй многолетние страсти души моей. Носимого житейскою бурею, к пути покаяния меня направь. Избавь меня от огня вечного, злого червя и преисподней. Не допусти бесам порадоваться обо мне, виновном во множестве грехов. Обнови меня, Пренепорочная, обветшавшего от согрешений, которых я и не чувствую. Яви меня непричастным всякой муке и умоли обо мне Владыку всего мира. Помоги мне приобщиться к небесному веселью со всеми святыми. Пресвятая Дева, услышь глас негодного раба Твоего.
Даруй мне потоки слез, Пречистая, души моей скверну очищающие. Стоны сердечные приношу Тебе непрестанно, - усердствуй, Владычица. Молитвенное служение мое прими и Богу милосердному принеси. Вознесенная выше Ангелов, над мирским смятением меня вознеси.
Светоносная Скиния небесная, духовную благодать во мне направь. На восхваление Твое, Всенепорочная, воздеваю руки и уста, оскверненные скверною. От повреждающих душу зол избавь меня, Христа усердно умоляя, Которого подобает почитать и поклоняться Ему ныне, и всегда, и во веки веков. Аминь.
 

Молитва восьмая, ко Господу нашему Иисусу Христу

Многоми́лостиве и Всеми́лостиве Бо́же мой, Го́споди Иису́се Христе́, мно́гия ра́ди любве́ сшел и воплоти́лся еси́, я́ко да спасе́ши всех. И па́ки, Спа́се, спаси́ мя по благода́ти, молю́ Тя; а́ще бо от дел спасе́ши мя, несть се благода́ть, и дар, но долг па́че. Ей, мно́гий в щедро́тах и неизрече́нный в ми́лости! Ве́руяй бо в Мя, рекл еси́, о Христе́ мой, жив бу́дет и не у́зрит сме́рти во ве́ки. А́ще у́бо ве́ра, я́же в Тя, спаса́ет отча́янныя, се ве́рую, спаси́ мя, я́ко Бог мой еси́ Ты и Созда́тель. Ве́ра же вме́сто дел да вмени́тся мне, Бо́же мой, не обря́щеши бо дел отню́д оправда́ющих мя. Но та ве́ра моя́ да довле́ет вме́сто всех, та да отвеща́ет, та да оправди́т мя, та да пока́жет мя прича́стника сла́вы Твоея́ ве́чныя. Да не у́бо похи́тит мя сатана́, и похва́лится, Сло́ве, е́же отто́ргнути мя от Твоея́ руки́ и огра́ды; но или́ хощу́, спаси́ мя, или́ не хощу́, Христе́ Спа́се мой, предвари́ ско́ро, ско́ро погибо́х: Ты бо еси́ Бог мой от чре́ва ма́тере моея́. Сподо́би мя, Го́споди, ны́не возлюби́ти Тя, я́коже возлюби́х иногда́ той са́мый грех; и па́ки порабо́тати Тебе́ без ле́ности то́щно, я́коже порабо́тах пре́жде сатане́ льсти́вому. Наипа́че же порабо́таю Тебе́, Го́споду и Бо́гу моему́ Иису́су Христу́, во вся дни живота́ моего́, ны́не и при́сно и во ве́ки веко́в. Ами́нь.

Многомилостивый и ко всем милостивый Боже мой, Господи Иисусе Христе, по великой любви к людям Ты сошел на землю и облекся в плоть, чтобы спасти всех. И вновь, Спаситель, молю Тебя: спаси меня по милости. Ведь если бы Ты за дела мог спасти меня, то это не было бы милостью и даром, а скорее долгом. Так, имеющий великую щедрость и несказанную милость! Ты сказал, о, Христе мой: "Верующий в Меня будет жив и не увидит смерти вовеки". Если же вера в Тебя спасает потерявших надежду, то вот - я верую, спаси меня, ибо Ты - Бог мой и Создатель. Вера моя да зачтется мне вместо дел, Боже мой, ибо не найдешь Ты никаких дел, оправдывающих меня. Но да будет достаточно этой веры моей вместо их всех, да говорит она в мою защиту, да оправдает меня, да сделает причастным Твоей вечной славе. Да не похитит меня сатана и да не похвалиться тем, что отторг меня от Твоей, Слово Божие, руки и ограды. Но хочу ли, или не хочу - спаси меня, Христе Спасе мой, скоро приди ко мне на помощь, поспеши, я погибаю, ибо Ты - Бог мой от чрева матери моей. Сподоби меня, Господи, ныне возлюбить Тебя, как я возлюбил когда-то тот самый грех, и вновь послужить Тебе без лености, усердно, как я прежде поработал на обманщика-сатану. Буду же постоянно служить Тебе, Господу и Богу моему Иисусу Христу во все дни жизни моей, ныне, и всегда, и в вечные века. Аминь.

Молитва девятая, к Ангелу хранителю

Святы́й А́нгеле, предстоя́й окая́нной мое́й души́ и стра́стной мое́й жи́зни, не оста́ви мене́ гре́шнаго, ниже́ отступи́ от мене́ за невоздержа́ние мое́. Не да́ждь ме́ста лука́вому де́мону облада́ти мно́ю, наси́льством сме́ртнаго сего́ телесе́; укрепи́ бе́дствующую и худу́ю мою́ ру́ку и наста́ви мя на путь спасе́ния. Ей, святы́й А́нгеле Бо́жий, храни́телю и покрови́телю окая́нныя моея́ души́ и те́ла, вся мне прости́, ели́кими тя оскорби́х во вся дни живота́ моего́, и а́ще что согреши́х в преше́дшую нощь сию́, покры́й мя в настоя́щий день, и сохрани́ мя от вся́каго искуше́ния проти́внаго, да ни в ко́ем гресе́ прогне́ваю Бо́га, и моли́ся за мя ко Го́споду, да утверди́т мя в стра́се Свое́м, и досто́йна пока́жет мя раба́ Своея́ бла́гости. Ами́нь.

Святой Ангел, поставленный блюсти мою бедную душу и несчастную мою жизнь, не оставь меня, грешного, и не отступи от меня за невоздержание мое. Не допусти злому демону властвовать надо мною посредством смертного моего тела. Возьми крепко несчастную и опустившуюся мою руку и выведи меня на путь спасения. О, Святой Ангел Божий, хранитель и покровитель бедной моей души и тела, прости мне все, чем я оскорбил тебя во все дни жизни моей, и, если я чем согрешил в прошедшую ночь, покрой меня в настоящий день и сохрани меня от всякого искушения вражеского, чтобы мне никаким грехом не прогневать Бога, и молись за меня Господу, чтобы Он укрепил во мне страх Свой и явил меня рабом, достойным Своей милости. Аминь.

Молитва десятая, ко Пресвятой Богородице

Пресвята́я Влады́чице моя́ Богоро́дице, святы́ми Твои́ми и всеси́льными мольба́ми отжени́ от мене́, смире́ннаго и окая́ннаго раба́ Твоего́, уны́ние, забве́ние, неразу́мие, нераде́ние, и вся скве́рная, лука́вая и ху́льная помышле́ния от окая́ннаго моего́ се́рдца и от помраче́ннаго ума́ моего́; и погаси́ пла́мень страсте́й мои́х, я́ко нищ есмь и окая́нен. И изба́ви мя от мно́гих и лю́тых воспомина́ний и предприя́тий, и от всех действ злых свободи́ мя. Я́ко благослове́на еси́ от всех родо́в, и сла́вится пречестно́е и́мя Твое́ во ве́ки веко́в. Ами́нь.

Пресвятая Владычица моя Богородица, святыми Твоими и всесильными мольбами отгони от меня, жалкого и несчастного раба Твоего, уныние, забвение, неразумие, нерадения и все нечистые, злые и хульные помыслы от окаянного моего сердца и от помраченного ума моего и погаси пламя моих страстей, ибо я слаб и несчастен. И избавь меня от многих пагубных воспоминаний и намерений и освободи меня от всяких дел злых, ибо благословляют Тебя все роды и славится многочтимое имя Твое в веки вечные. Аминь.

Молитвенное призывание святого, имя которого носишь

Моли́ Бо́га о мне, святы́й уго́дниче Бо́жий (имя), я́ко аз усе́рдно к тебе́ прибега́ю, ско́рому помо́щнику и моли́твеннику о душе́ мое́й.

* Кроме молитвы Ангелу-хранителю мы должны молиться и тому святому, именем которого мы называемся, потому что он также молится всегда о нас Богу. Каждому христианину, как только рождается на свет Божий, при святом крещении дается святой в помощники и покровители святой Церковью.

Моли Бога о мне, святой угодник (или святая) (имя), потому что я усердно к тебе прибегаю, как к скорому помощнику и молитвеннику о душе моей

Песнь Пресвятой Богородице

Богоро́дице Де́во, ра́дуйся, Благода́тная Мари́е, Госпо́дь с Тобо́ю; благослове́на Ты в жена́х и благослове́н плод чре́ва Твоего́, я́ко Спа́са родила́ еси́ душ на́ших.

Богородица Дева, радуйся, Благодатная Мария, Господь с Тобою; прославлена ты среди женщин, и благословен Плод, Тобою рожденный, потому что Ты родила Спасителя душ наших.


Тропарь Кресту и молитва за отечество

Спаси́, Го́споди, лю́ди Твоя́, и благослови́ достоя́ние Твое́, побе́ды правосла́вным христиа́ном на сопроти́вныя да́руя, и Твое́ сохраня́я Кресто́м Твои́м жи́тельство.

Спаси, Господи, людей Твоих и благослови принадлежащих Тебе, помогая побеждать врагов и сохраняя силою Креста Твоего святую Церковь Твою.

Молитва о живых

Спаси́, Го́споди, и поми́луй отца́ моего́ духо́внаго (имя), роди́телей мои́х (имена), сро́дников (имена), нача́льников, наста́вников, благоде́телей (имена) и всех правосла́вных христиа́н.

Спаси, Господи, и помилуй моего духовного отца (имя его), родителей моих (имена их), родственников моих (имена их), начальников, наставников, благодетелей (имена их) и всех православных христиан.

Молитва о усопших

Упоко́й, Го́споди, ду́ши усо́пших раб Твои́х: роди́телей мои́х, сро́дников, благоде́телей (имена), и всех правосла́вных христиа́н, и прости́ им вся согреше́ния во́льная и нево́льная, и да́руй им Ца́рствие Небе́сное.

Упокой, Господи, души усопших рабов Твоих: родителей моих, родственников, благодетелей (имена их) и всех православных христиан, и прости им все грехи, сделанные по собственной воле и помимо их воли, и даруй им Царствие Небесное.

 

Окончание молитв

Досто́йно е́сть я́ко вои́стину блажи́ти Тя Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

Поистине достойно прославлять Тебя, Богородицу, всегда блаженную и непорочную и Матерь Бога нашего. Ты достойна почитания больше Херувимов и по славе Своей несравненно выше Серафимов, Ты без болезней родила Бога Слова (Сына Божия), и как истинную Богородицу мы Тебя прославляем.

 

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Го́споди, поми́луй. (Трижды)

Го́споди, Иису́се Христе́, Сы́не Бо́жий, молитв ра́ди Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х поми́луй нас. Ами́нь.

Утреннее правило читает клирик Екатеринбургской епархии, игумен Флавиан (Матвеев)



 

PS. По мнению преподобного Серафима Саровского с помощью трёх молитв «Отче наш», «Символ веры» и «Богородице Дево, радуйся», входящих вкраткое молитвенное правило, можно достигнуть духовного идеала.

 

Смотрите также:

Утренняя молитва, которая очистит весь грядущий день

Молитвы Пресвятой Богородице на каждый день

О молитвах...