В колонках играет - Siver - Колер маёй рэвалюцыі - белыПаспрабую даць адказ на пытаньне "мы прайгралі, але вельмі непрыемна з гэтым пагаджацца, што ж рабіць?"
Спачатку пра тое, што рабіць ня трэба:
1. Спадзявацца на тое, што лука сам памрэ - дрэнна, асацыяльна, не па хрысьціянску й малаперспектыўна. Да таго, на маю думку, гэта не прывядзе да паляпшэньня, бо ўладу хутчэй за ўсё захопіць нейкі шэйман-віцялукашэнка, таму трэба перамагчы сваімі сіламі, так, каб кожны наступны прэзідэнт ведаў, што, калі людзі пажадаюць, то яго таксама нічога не выратуе.
2. Дзеяньні павінны быць негвалтоўнымі, у наш час гэта цалкам магчыма.
Чапаць віртуальную прастору я ня буду - тут у белпрапаганды з іх метадамі працы, разлічанымі на немагчымасьць даць адказ, проста няма шанцаў, бо адказ можа даць кожны. Аднак інэт ахоплівае можа якіх 10 адсоткаў беларусаў, таму асноўныя дзеяньні трэба пераводзіць у real life. Трэба пачынаць
інфармацыйную вайну. Бо тое, што БТ брэша, ведаюць амаль усе, акрамя цалкам клінічных лукашысцкіх выпадкаў. А вось атрымліваць праўду людзі адвыклі й лянуюцца.
Самае галоўнае - "Друкаваць, разкідваць і зноўку друкаваць". Не ўлёткі з заклікам прыйсьці кудысьці (хоць і гэта патрэбна, але, калі людзі будуць ведаць праўду, іх і клікаць ня трэба будзе), а проста ліст А4 з надрукаванай з абодвух бакоў інфармацыяй пра апошнія значныя падзеі, якая кпіць й абвяргае усю тую хлусьню, якая кожны дзень ліецца ў галовы нашых суседзяў. Зараз зьявілася вельмі шмат такіх ўжо падрыхтаваных матэр'ялаў, трэба проста надрукаваць якія 50 асобнікаў і кінуць на шляху да/з дому.
Вось вельмі файны прыклад інфармацыйнай улёткі пра падзеі 25 сакавіка, з проста супэрскім сьцёбам з афіцыйнага погляду на зьбіцьцё амапаўцаў з "обезболивающими дубинками и безмятежными щитами" адмарозкамі з выбуховымі шарыками й крывавымі гвазьдзікамі.
Так, не ўва ўсіх ёсьць друкаркі, але кожны ведае сябра ў каго яны ёсьць, можна й адксерыць, а можна й паскрэбсьці па кішэнях і набыць адзін прынтар на некалькі чалавек - і раз на тыдзень выбіваць глебу з пад ног улады, якая максымальна карыстаецца сваёй манаполіяй на СМІ.
Афіцыйны наклад - 299 асобнікаў - для такога не патрэбна ніякіх ліцэнзіяў і дазволаў.
2. Астатняе ня так важна, але даволі бясьпечна і можа моцна паўплываць - белыя, бел-чырвона-белыя, джынсавыя стужкі, значкі, удзел у флэшмобах й гэтак далей.
З.ы. Яшчэ пару ўлётак
http://3.lishni.org/files/SB/1.pdf
http://3.lishni.org/files/SB/2.pdf