Дни памяти святых

Святой апостол и евангелист Иоанн Богослов

дни памяти: (98-117) 26 сентября ст.ст. (9 октября) и 8 мая ст.ст. (21 мая)

   Апостолу и евангелисту Иоанну Богослову молятся при изучении иконописания, об успехах в рыболовстве и о благополучной ловле рыбы, о добрых отношениях в семье.

*******

Молитвослов

Святому апостолу и евангелисту Иоанну Богослову

Молитва

   О, великий и всехвальный апостоле и евангелисте Иоанне Богослове, наперсниче Христов, теплый наш заступниче и скорый в скорбех помощниче! Умоли Господа Бога даровати нам оставление всех прегрешений наших, елико согрешихом от юности нашея во всем житии нашем делом, словом, помышлением и всеми нашими чувствы. Во исходе же душ наших помози нам, грешным, избавитися от воздушных мытарств и вечнаго мучения, да твоим милостивным предстательством прославляем Отца и Сына и Святаго Духа, ныне и присно и во веки веков. Аминь.

Тропарь, глас 2

   Апостоле, Христу Богу возлюбленне, ускори избавити люди безответныя, приемлет тя припадающа, Иже падша на перси  приемый. Егоже моли, Богослове, и належащую мглу языков разгнати, прося нам мира и велия милости.

Кондак, глас 2

   Величия твоя, девственниче, кто повесть? Точиши бо чудеса и изливаеши исцеления, и молишися о душах наших, яко Богослов и друг Христов.

Икос

   Высоты небесныя уведети и моря глубины испытати дерзостно есть и непостижно: якоже бо звезды исчислити и приморский песок невозможно отнюд, сице ниже яже Богослова рещи довольно: толицеми того венцы Христос, Егоже возлюби, венча: Емуже и на перси возлег, и на Тайней вечери с Ним яде, яко Богослов и друг Христов.

Величание

   Величаем тя, апостоле Христов и евангелисте Иоанне Богослове, и чтим болезни и труды твоя, имиже трудился еси во благовестии Христове.

 

 

Серия сообщений "о мире и благополучии семьи":
Часть 1 - "Апостоле святый и евангелисте Марко, моли Милостиваго Бога..." (молитвослов)
Часть 2 - "О, великий и всехвальный апостоле и евангелисте Иоанне Богослове, наперсниче Христов..." (молитвослов)
Часть 3 - "Правило веры, образ кротости, воздержания учителю", - так начинается тропарь святому Николаю Угоднику (дни памяти святых)
Часть 4 - "Святый славный и всехвальный апостоле Христов Симоне..." (молитвослов)
...
Часть 17 - "Днесь, вернии людие, духовно торжествуем, прославляюще Заступницу усердную рода христианскаго..." (Небесная Покровительница)
Часть 18 - "Избранная угоднице и Христа ради юродивая, святая блаженная мати Ксение..." (молитвослов)
Часть 19 - "О, святый мучениче Христов Трифоне, скорый помощниче всем..." (молитвослов)