Небесная Покровительница

Икона Божией Матери "Нечаянная Радость"

дни празднования: 1 мая ст.ст. (14 мая)  и 9 декабря ст.ст. (22 декабря)

   Икона именуется так потому, что многие с верой и любовию прибегеющие к помощи Пресвятой Богородицы получают чрез эту святую икону "нечаянную радость" прощения грехов и благодатного утешения. Эта икона побуждает в каждом верующем утешительную веру в помощь Царицы Небесной и чрез Нее в милосердие Господа во всех наших делах, а также в молитве за детей.

   Перед иконой "Нечаянная Радость" молятся об обращении заблудших и за детей.

Молитвослов

Пресвятой Богородице и Приснодеве Марии пред Ея иконою "Нечаянная Радость"

Молитва

   О, Пресвятая Дево, Всеблагаго Сына Мати Всеблагая, града и святаго храма сего Покровительнице, всех  сущих во гресех, скорбех, бедах и болезнех верная Предстательнице и Заступнице! Приими молебное пение сие от нас, недостойных рабов Твоих, Тебе возносимое, и якоже древле грешника, на всяк день многажды пред честною иконою Твоею молившагося, не  презрела еси, но даровала еси ему нечаянную радость покаяния и преклонила еси Сына Твоего многим и усердным к нему ходатайством ко прощению сего грешнаго и заблудшагося, тако и ныне не презри моления нас, недостойних рабов Твоих и умоли Сына Твоего и Бога нашего, да и всем нам с верою и умилением покланяющимся пред цельбоносным образом Твоим, дарует нечаянную по коегождо потребе радость: пастырем церковным - святую ревность о спасении пасомых;  грешником, погрязшим во глубине зол и страстей - вседейственное вразумление, покаяние и спасение; сущим в скорбех и печалех - утешение; обретающимся в бедах и озлоблениях - совершенное сих избытие;  малодушным и ненадежным - надежду и терпение;  в радости и довольстве живущим непрестанное Благодетелю Богу благодарение;  бедствующим - милосердие;  сущим в болезни и долгонедужии и оставленным врачами - нечаянное исцеление и укрепление; иждившим от недуга ум - ума возвращение и обновление; отходящим в вечную и нескончаемую жизнь - память смертную, умиление и сокрушение  о гресех, дух бодр и твердую на милосердие Божие надежду. О, Госпоже Пресвятая! Умилосердися ко всем, чтущим Всечестное  имя Твое, и всем яви всемощный покров жительстве пребывающим до последняго их скончания во благости соблюди; злыя благи сотвори; заблудшия на путь правый настави; всякому делу благому и Сыну Твоему угодному споспешествуй; всякое дело злое и богопротивное разруши; в недоумении и трудных и опасных обстояниих обретающимся незримую помощь и вразумление с небесе низпосли; от искушений, соблазнов и погибели спаси; от всех злых человек и от врагов видимых и невидимых защити и сохрани; плавающим сплавай; путешествующим спутешествуй; сущим в нужде и гладе буди Питательница, неимущим крова и пристанища буди Покров и Прибежище; нагим подаждь одеяние; обидимым и от неправд страждущим - заступление; клевету, поношение и хуление терпящия незримо оправдай;  клеветники и хулители пред всеми обличи; ожесточенно враждующим нечаемо подаждь примирение, и всем нам - друг ко другу любовь, мир и благочестие и здравие с долгоденствием. Супружества в любви и единомыслии сохрани;  супруги, во вражде и разделении сущия, умири., соедини друг ко другу и положи им союз любве неразрушимый; матерем, дети родящим, скорое подаждь разрешение; младенцы воспитай, юныя уцеломудри, отверзи ум к воспроиятию всякаго полезнаго учения, страху Божию, воздержанию и трудолюбию настави;  от домашния брани и вражды единокровных миром и любовию огради. Безматерних сирот буди Матерь, от всякаго порока и скверны отврати я и всему благому и Богоугодному научи,;  прельщенныя же и во грех нечистоту впадшия, скверну греха отъявши, из бездны погибели изведи. Вдов буди Утешительница и Помощница, старости буди жезл. От внезапныя смерти без покаяния всех нас избави, и всем нам христианскую кончину живота нашего, безболезненну, непостыдну, мирну и добрый ответ на страшном судилищи Христове даруй. Преставльшияся в вере и покаянии от жития сего со ангелы и всем святыми жити сотвори; скончавшимся внезапною смертию милостива быти Сына Твоего умоли и о всех усопших, иже не имут сродников, о упокоении их Сына Твоего умоляющих, Сама буди непрестанная и теплая Молитвенница; да вси на небеси и на земли видят Тя, яко твердую и непостыдную Предстательницу рода христианского, славят Тя и Тобою Сына Твоего со Безначальным Его Отцем и Единосущным Его Духом, ныне и присно и во веки веков. Аминь.

*******

 

Серия сообщений "Нечаянная Радость":

9 декабря ст.ст. (22 декабря) - день празднования иконы Божией Матери "Нечаянная Радость". Митрополит Сурожский Антоний говорил: "Хочу поздравить вас с днем "Нечаянной Радости". Каждая радость - это знак ласки Божией, и следует принимать ее с благодарностью".

Часть 1 - Икона Божией Матери, нарицаемая «Нечаянная Радость»
Часть 2 - "Хочу поздравить вас с днем "Нечаянной Радости"..." (митрополит Сурожский Антоний)
Часть 3 - "Радуйся, благая утешительнице в печалех наших..." (из акафиста чудотворной иконе "Нечаянная Радость")
Часть 4 - Сегодня верующие вспоминают... (дни памяти святых)
Часть 5 - "О, Пресвятая Дево, Всеблагаго Сына Мати Всеблагая..." (Небесная Покровительница)
Часть 6 - Сегодня верующие вспоминают... (дни памяти святых)
Часть 7 - "Днесь, вернии людие, духовно торжествуем, прославляюще Заступницу усердную рода христианскаго..." (Небесная Покровительница)