Молитвослов

Небесная Покровительница

Пресвятой Богородице и Приснодеве Марии

пред Ея иконою "Феодоровская"

Молитва 1-я

Дни празднования: 14 марта ст.ст. (27 марта); 16 августа ст.ст. (29 августа)

 

   К кому воззову, Владычице; к кому прибегну в печали моей; к кому принесу слезы и воздыхания моя, аще не к Тебе, Царице Небесе и земли. Кто исторгнет мя из тины грехов и беззаконий, аще не Ты, о Мати Живота, Заступнице и Прибежище рода человеческаго.

   Услыши стенание мое, утеши мя и помилуй в горести моей, защити в бедах и напастех, избави от озлоблений и скорбей и всяких недугов и болезней, от враг видимых и невидимых, умири вражду стужающих мне, да избавлен буду от клеветы и злобы человеческия; такожде от своея ми плоти гнусных обычаев свободи мя.

   Укрый мя под сению милости Твоея, да обрящу покой и радость и от грехов очищение. Твоему матернему заступлению себе вручаю: буди мне Мати и надежда, покров и помощь и заступление, радость и утешение и скорая во всем помощница.

   О, чудная Владычице! Всяк притекаяй к Тебе, без Твоея всесильныя помощи не отходит, сего ради и аз недостойный к Тебе прибегаю, да избавлен буду от внезапныя и лютыя смерти, скрежета зубнаго и вечнаго мучения, Небесное же Царствие получити  сподоблюся и Тебе во умилении сердца реку: радуйся, Мати Божия, Предстательнице и Заступнице наша усердная, во веки веков. Аминь.

*******

Пред Феодоровской иконой Божией Матери молятся при трудных родах.

*******

Серия сообщений "Феодоровская":
Часть 1 - "К кому воззову, Владычице; к кому прибегну в печали моей..." (молитвослов)
Часть 2 - Феодоровская икона Божией Матери
Часть 3 - Сегодня верующие вспоминают... (дни памяти святых)
...
Часть 5 - "Этот образ Пресвятой Богородицы относится к числу икон, написанных, по преданию, святым апостолом и евангелистом Лукой..." (Небесная Покровительница)
Часть 6 - Сегодня верующие вспоминают... (дни памяти святых)
Часть 7 - "Святыня Костромского края была обнаружена 16 августа ст.ст. 1263 года Великим князем Василием..." (Небесная Покровительница)