Скажы, што пахне? Думай, думай.           
Лілея? Ліпа? Вецер? Не.
Так пахнуць прынц, гандляр парфумай,
Так пахне вечарам у сьне.

Глядзі, зіхоткае якое
Сьвятло – узорамі на шкле,
Цурчыць малочнаю ракою
У пяшчотнай ледзяной імгле.

Глядзі, завея… вее… вее…
Глядзі, як сад заплюшчыу веі
І замяло зямлю да стрэх.
Скажы, хто крочыць? Думай, думай.
Прыходзяць прынц, гандляр парфумай,
Цырульнік, пекар... Белай шумай
На дрэвы ападае сьнег.