Празднование иконы «Живоносный Источник» — в пасхальную пятницу.

Молятся Пресвятой Богородице о сохранении праведной жизни, об исцелении душевных и телесных недугов,  страстей, о помощи в скорби.

Молитва перед иконою "Живоносный Источник"

О Пресвятая Госпоже Владычице Богородице! Вышши еси всех aнгел и aрхангел, и всея твари честнейши: помощнице еси обидимых, ненадеющихся надеяние, убогих заступнице, печальных утешение, алчущих кормительница, нагих одеяние, больных исцеление, грешных спасение, христиан всех поможение и заступление.

О Всемилостивая Госпоже, Дево Богородице Владычице! Милостию Твоею спаси и помилуй православный народ наш, Великаго Господина и Отца нашего Святейшаго Патриарха Кирилла, преосвященныя митрополиты, архиепископы и епископы, и весь священнический и иноческий чин, власти и воинство и вся православныя xристианы ризою Твоею честною защити; и умоли, Госпоже, из Тебе без семене воплотившагося Христа Бога нашего, да препояшет нас силою Своею свыше на невидимыя и видимыя враги наша.

О Всемилостивая Госпоже Владычице Богородице! Воздвигни нас из глубины греховныя, и избави нас от глада, губительства, от труса и потопа, от огня и меча, от нахождения иноплеменных и междоусобныя брани, и от напрасныя смерти, и от нападения вражия, и от тлетворных ветр, и от смертоносныя язвы, и от всякаго зла.

Подаждь, Госпоже, мир и здравие рабом Твоим, всем православным христианом, и просвети им ум и очи сердечныя, еже ко спасению, и сподоби ны, грешныя рабы Твоя, Царствия Сына Твоего, Христа Бога нашего, яко держава Его благословенна и препрославленна, со Безначальным Его Отцем и с Пресвятым и Благим и Животворящим Его Духом, ныне и присно и во веки веков.

Серия сообщений "Эзотерика духовный мир":

Часть 1 - Иконы древней Руси
Часть 2 - Как убивали Апостолов.
...
Часть 31 - Чаша искупления. 12 библейских символов, зашифрованных в "Троице" Андрея Рублева
Часть 32 - Пришивая пуговицу, можно изменить свою судьбу.
Часть 33 - 17 апреля – день памяти Иконы Божией Матери "Живоносный Источник".