Молитвы к архангелам

Святый архангеле Михаиле, победителю, победи страсти моя.
Святый архангеле Гаврииле, вестниче Божий, возвести мне час смертный.
Святый архангеле Рафаиле, целителю, исцели мя от болезни душевныя и телесныя.
Святый архангеле Урииле, просветителю, просвети моя чувства душевныя и телесныя.
Святый архангеле Иегудииле, прославителю, да не лишусь я Славы Божией во Царствии Его.
Святый архангеле Селафииле, молитвенниче, моли Бога о мне, грешнем.
Святый архангеле Варахииле, благословителю, благослови мя, грешного, всю жизнь провождать в молитве и покаянии.

Молитва Всем Святым, от века просиявшим

О преблаженнии угодницы Божии, Вси Святи, предстоящий Престолу Пресвятыя Троицы и наслаждающиися неизреченного блаженства!

Се ныне, в день общага вашего торжества, милостиво призрите на нас, меньших братий ваших, приносящих вам сие хвалебное пение и ходатайством вашим просящих милости и отпущения грехов у Преблагаго Господа: веемы бо, воистину веемы, яко вся, елика восхощете, испросите у Него можете.

Темже убо смиренно молимся вам: молите милостивого Владыку, да подаст нам дух вашея ревности к хранению святых Его заповедей, яко да текшее по стопам вашим, возможем земное поприще в добродетельном житии без порока прейти и в покаянии достигнути преславных селений райских, и тамо купно с вами прославляти Отца и Сына и Святаго Духа, во веки веков. Аминь.

Молитва, которую читаем, когда получаем от Бога просимое нами

Господи Иисусе Христе, Боже наш, Боже всякаго милосердия и щедрот, Егоже милость безмерна и человеколюбия неизследимая пучина; ко Твоему Величеству припадающее, со страхом и трепетом яко раби недостойнии благодарение Твоему благоутробию о Твоих благодеяниях на рабех Твоих бывших, ныне смиренно приносящее, яко Господа, Владыку и Благодетеля славим, хвалим, поем и величаем, и припадающее паки благодарим.

Твое безмерное и неизреченное милосердие смиренно молящее.

Да якоже ныне моления рабов Твоих приятии и милостиво исполнити сподобил еси и во предняя в Твоей и искренняго любви и во всех добродетелех преспевающих,

Твоя благодеяния всех верных Твоих получити, Церковь Твою святую и град сей от всякаго злаго обстояния избавляя, и мир и безмятежие тем даруя,

Тебе со Безначальным Твоим Отцем, и Пресвятым и Благим и Единосущным Твоим Духом, во Едином Существе славимому Богу, всегда благодарение приносити и преблагая глаголати, и воспевати сподобиши. Слава Тебе Богу, Благодателю нашему, во веки веков. Аминь.