. . ? , ( , ), , . , . , , ... , "", . , , - ( ) ( , ). . , . , , , , - . Meeeerde.....
, "", -
boomp3.com![](http://counters.gigya.com/wildfire/CIMP/Jmx*PTEyMDAzMjgzNTAwMTUmcHQ9MTIwMDMyODM1MTkwNSZwPTcwNzUxJmQ9Jm49.jpg)
, , ... , ...
, . , .
Tresvait la noit e apert la clere albe...
Par mi cel host (sonent menut cil graïsle).
Li emperere mult fierement chevalchet.
740 Seignurs barons, dist il emperere Carles,
Veez les porz e les destreiz passages :
Kar me jugez ki ert en la rereguarde.
Guenes respunt : Rollant, cist miens fillastre :
N'avez baron de si grant vasselage.
745 Quant l'or li reis, fierement le reguardet,
Si li ad dit : Vos estes vifs diables.
El cors vos est entree mortel rage.
E ki serat devant mei en l'ansguarde?
Guenes respunt : Oger de Denemarche :
750 N'avez barun ki mielz de lui la facet.
Li quens Rollant, quant il s'oït juger,
Dunc ad parled a lei de chevaler :
Sire parastre, mult vos dei aveir cher :
La rereguarde avez sur mei jugiet!
755 N'i perdrat Carles, li reis ki France tient,
Men escientre palefreid ne destrer,
Ne mul ne mule que deiet chevalcher,
Ne n'i perdrat ne runcin ne sumer
Que as espees ne seit inz eslegiet.
760 Guenes respunt : Veir dites, jol sai bien.
Quant ot Rollant qu'il ert en la rereguarde
Ireement parlat a sun parastre.
Ahi! culvert, malvais hom de put aire,
Quias le guant me caïst en la place,
765 Cume fist a tei le bastun devant Carles?
Dreiz emperere, dist Rollant le barun,
Dunez mei l'arc que vos tenez el poign.
Men escientre nel me reproverunt
Que il me chedet cum fist a Guenelun
770 De sa main destre, quant reçut le bastun.
Si duist sa barbe e detoerst sun gernun,
Ne poet muer que des oilz ne plurt.
Anpres iço i est Neimes venud,
Meillor vassal n'out en la curt de lui,
E dist al rei : Ben l'avez entendut;
Li quens Rollant, il est mult irascut.
La rereguarde est jugee sur lui :
N'avez baron ki jamais la remut.
780 Dunez li l'arc que vos avez tendut,
Si li truvez ki très bien li aiut!
Li reis li dunet e Rollant l'a reçut.