Моладзь заклікае пераходзіць на лацінку |
Беларускамоўныя студэнты Аляксей Сапрыкін і Вераніка Злобіч ініцыявалі кампанію Heta Svajo, мэта якой — папулярызаваць сярод моладзі выкарыстаньне беларускай лацінкі. Лацінка — варыянт лацінскага альфабэту, прыстасаванага для запісу беларускай мовы. Цяпер ужываецца ў шэрагу сучасных выданьнях, прэсе беларускае дыяспары, у аздабленьні музычных дыскаў, у інтэрнэце. Паводле ініцыятараў праекту, беларуская лацінка можа стаць своеасаблівай зброяй супраць засільля расейшчыны ў Беларусі, а таксама дапамагчы беларусам, якія езьдзяць у іншыя краіны. Ідэю падтрымалі ў Арт Сядзібе . Аляксей зь сябрамі ўжо стварылі два відэаролікі. У першым роліку галоўнымі героямі выступаюць Францішак Багушэвіч, Ян Баршчэўскі, Кастусь Каліноўскі, Янка Купала, Браніслаў Тарашкевіч — тыя, хто ў свой час карысталіся лацінкай. У другім кліпе зьняўся беларускі гурт Amaroka. Вокладка іх апошняга альбому таксама напісана па-беларуску лацінскім альфабэтам. Ёсьць прапанова стварыць дадатак для мабільных тэлефонаў, які б трансьлітэраваў з кірыліцы на лацінку, і наадварот. Прачытаць больш падрабязна можна на сайце Радыё Свабода. P.S. Яшчэ ў школе, у класе чацвёртым, для мяне стала адкрыццём, што ў беларускай мове літара "і" пішацца лацінкай. Вось тады ўпершыню мяне наведала думка, што добра б было перайсці цалкам на лацінку, каб не было падобнасці на рускую мову. А зараз моладзь над гэтым не толькі думае, але і прапануе ))) |
Рубрики: | говорят политики, политика, Беларусь сегодня для размышления |
Комментировать | « Пред. запись — К дневнику — След. запись » | Страницы: [1] [Новые] |