Со времени появления старчества в Оптиной пустыни на нее обильно изливается благодать Святого Духа. Огромное количество богомольцев разного возраста, звания и образования стремились именно в Оптину. Оптинским старцам были присущи не только исключительная глубина духовной жизни, обладание дарами прозорливости, рассуждения, но и великая любовь к людям, нескончаемое желание поделиться духовными сокровищами с миром.

С раннего утра до глубокой ночи кельи монастырских духовников оставались открыты, и всяк приходящий — пешком ли, с котомкой за спиной, в богатом украшенном экипаже,— находил здесь сердечный прием и разумное наставление. Все старцы заботились о духовном очищении ближних, непрестанно молились о спасении душ приходивших к ним за помощью людей. Они помогали людям в их житейских делах, поддерживали в невзгодах, подсказывали выход из самых безвыходных положений, благодаря своей прозорливости умели привести страждущих на путь покаяния. На этих столпах держалась Россия.

Святые отцы говорили: «Лучше жить с духовником на торговой площади, чем одному в пустыне». И еще: «Духовное сиротство тяжелее плотского». Преподобный Макарий писал: «Достижение спасения точно состоит в приобретении руководителя и отсечении своей воли и разума». Все Оптинские старцы были духовными руководителями мирян. Духовное руководство, окормление происходило лично и через переписку, через наставления. Преподобный Иосиф писал: «Верую в то, что каждый приходящий в Оптину Пустынь в крайней своей потребности найдет удовлетворение Милостью Божией… за молитвы великих наших отец».
Преподобные старцы Оптинские окормляли всю Россию более века и продолжают наставлять нас, своих потомков, продолжают молиться за нас.

Св. преподобным Оптинским старцам молятся:

об исцелении от болезней

о здоровье детей

о наставлении на истинный путь

о духовном просветлении

об укреплении веры

об избавлении от зависимостей

об утешении в скорби

о помощи в начале нового дела

Тропарь Собору преподобных Оптинских старцев, глас 6

Правосла́вныя ве́ры свети́льницы,/ мона́шества непоколеби́мии столпи́,/ земли́ Росси́йския уте́шителие,/ преподо́бнии ста́рцы О́птинстии,/ любо́вь Христо́ву стяжа́вши/ и ду́ши своя́ за ча́да полага́вши,/ моли́теся ко Го́споду,/ да утверди́т земно́е Оте́чество ва́ше в Правосла́вии и благоче́стии// и спасе́т ду́ши на́ши.

Кондак Собору преподобных Оптинских старцев, глас 4

Вои́стину ди́вен Бог во святы́х Свои́х,/ пу́стынь О́птину я́коже вертогра́д ста́рчества яви́вый,/ иде́же богопросвеще́нии отцы́,/ та́йная се́рдца челове́ческого ве́дуще,/ наро́да Бо́жия печа́льницы до́блии яви́шася:/ си́и бо на путь покая́ния грехо́м отягоще́нныя наста́виша,/ в ве́ре коле́блющияся све́том Христо́ва уче́ния просвети́ша/ и Бо́жии прему́дрости научи́ша,/ стра́ждующим и немощны́м спострада́ша и исцеле́ния дарова́ша./ Ны́не же, во сла́ве Бо́жии пребыва́юще,// мо́лятся непреста́нно о душа́х на́ших.

Ин кондак Собору преподобных Оптинских старцев, глас 6

Печа́льницы те́плии наро́да Бо́жия,/ преподо́бнии отцы́ О́птинстии,/ гре́шныя в покая́нии утверди́вше,/ ни́щия ду́хом обогати́вше,/ пла́чущия уте́шивше,/ а́лчущия и жа́ждущия пра́вды насы́тивше,/ изгна́нным за пра́вду Бо́жию душе́ю спострада́вше,/ вся ко спасе́нию наста́вили есте́./ Ны́не же, во сла́ве Небе́сней пребыва́юще,// моли́теся непреста́нно о душа́х на́ших.

Молитва Собору преподобных Оптинских старцев

О, вели́цыи уго́дницы Бо́жии, столпи́ и свети́льницы Земли́ Росси́йстей, преподо́бнии и богоно́снии отцы́ на́ши О́птинстии, Льве́, Мака́рие, Моисе́е, Анто́ние, Иларио́не, Амвро́сие, Анато́лие, Исаа́кие и Ио́сифе, Варсоно́фие, Анато́лие, Некта́рие, Ни́коне и Исаа́кие, по зако́ну Ева́нгельскому Го́спода Бо́га всем се́рдцем и все́ю душе́ю и всем разуме́нием возлюби́вшии и всему наро́ду Бо́жию во спасе́ние бы́вшии; сего́ ра́ди под покро́в Пресвяты́я Влады́чицы на́шея Богоро́дицы во оби́тель О́птину, пока́явшимся разбо́йником основа́нную, прите́кшии, путе́м те́сным и приско́рбным смире́ния и самоукоре́ния до конца́ дней ва́ших ходи́вшии, те́мже у́бо благода́тныя дары́ Свята́го Ду́ха преизоби́льно стяжа́вшии; ста́рых и млады́х, зна́тных и препро́стых, му́дрых ве́ка сего́ и худоу́мных, никого́же от гряду́щих к вам иждену́вшии, николи́же тща и неуте́шна отпусти́вшии, но све́том и́стины Христо́вы всех просвети́вшии и духо́вно воскреси́вшии, бли́жних ва́ших, я́ко себе́ саме́х, возлюби́вшии и тех в се́рдце свое́м вмести́вшии, по словеси́ апо́стола, проро́чествующе и назида́юще, увеща́юще и утеша́юще. Умоли́те Милосе́рдаго Го́спода, во оби́тель ра́йскую разбо́йника благоразу́мнаго с Собо́ю взе́мшаго, дарова́ти нам, недосто́йным, я́ко рабо́тником единонадеся́таго часа́, дух сокруше́ния, се́рдца очище́ние, уст хране́ние, правоту́ дея́ний, мудрова́ние смире́нное, сле́зы покая́ния, ве́ру непосты́дную, любо́вь нелицеме́рную, мир душе́вный и здра́вие теле́сное, да предста́тельством ва́шим сподо́бит нас Госпо́дь до́браго отве́та на Стра́шнем Суди́щи Свое́м, ве́чных мук избавля́я, и Ца́рствия Небе́снаго ку́пно с ва́ми да удосто́ит во ве́ки веко́в. Ами́нь.

Молитва 2-я Собору преподобных Оптинских старцев

О, Боже́ственный со́нме, преподо́бнии отцы́, богоно́снии ста́рцы и новому́ченицы О́птинстии, а́нгельским житие́м на земли́ просия́вшии и в Небе́снем гра́де просла́вленнии! Ве́мы, я́ко во дни земна́го служе́ния ва́шего никто́же тощь и неуте́шен от вас оты́де, вы бо по словеси́ апо́стольскому всем вся бы́сте: сомня́щимся утвержде́ние, скорбя́щим утеше́ние, печа́льным ра́дование, ка́ющимся проще́ние, гре́шником вразумле́ние, боля́щим исцеле́ние. Ны́не же, пред Престо́лом Бо́жиим предстоя́ще, воззри́те от го́рния сла́вы и посети́те благосе́рдием ва́шим нас, немощны́х и безпо́мощных: заблу́ждшия взыщи́те, расточе́нныя собери́те, прельще́нныя обрати́те и совокупи́те Святе́й, Собо́рней и Апо́стольстей Це́ркви; и́же во и́ночестем житии́ подвиза́ющияся огради́те от всех наве́т вра́жиих, ю́ность вразуми́те, ста́рость поддержи́те, супру́жества в ми́ре и единомы́слии соблюди́те. Услы́шите нас, Боже́ственнии вра́чеве, наста́вите на путь покая́ния и научи́те в за́поведех Госпо́дних при́сно ходи́ти, да сподо́бимся хода́тайством ва́шим Ца́рствия Небе́снаго, иде́же вку́пе с ва́ми просла́вим Бо́га, ди́внаго во святы́х Свои́х, Отца́ и Сы́на и Свята́го Ду́ха, во ве́ки веко́в. Ами́нь.

Величание Собору преподобных Оптинских старцев

Ублажа́ем вас, преподо́бнии отцы́ на́ши ста́рцы О́птинстии, и чтим святу́ю па́мять ва́шу, наста́вницы мона́хов, и собесе́дницы а́нгелов.

+    +    +    +    +