«Приступая к молитвословию, — советует святитель Феофан Затворник, — утром или вечером, постой немного, или посиди, или походи, и потрудись в это время отрезвить мысль, отвлекши ее от всех земных дел и предметов. Затем помысли, кто Тот, и кто ты, имеющий теперь начать это молитвенное к Нему обращение — и возбуди в душе соответствующее  этому настроение самоуничиженного и благоговейным страхом проникнутого предстояния Богу в сердце.
В этом все приготовление — благоговейно стать пред Богом, — малое, но немалозначительное. Тут полагается начало молитвы, доброе же начало —половина дела."

Читайте эти молитвы для того, чтобы вас миновали многие денежные проблемы и чтобы у вас всегда был необходимый финансовый минимум, который позволил бы вам жить, не испытывая страха за завтрашний день.

Приведенные в данной статье молитвы помогут верующим предпринимателям (а также, тем, кто имеет отношение к торговле), улучшить свои торговые дела. Но принимайте от Бога и недостаток денег в определенные периоды с благодарностью, так как и это может быть наилучшим уроком для оздоровления вашей души, особенно, если она уже прикипела к деньгам и всему материальному.

Ведь, для нашей полноценной жизни надо совсем немного, но только  с годами мы начинаем это понимать.

Молитва, защищающая от нищеты
Иисусу Христосу


Ты, о Господи, стяжание наше, и потому мы ни в чем не имеем недостатка. С Тобою мы ничего не желаем ни на небе, ни на земле. В Тебе наслаждаемся мы неизреченно великим блаженством, какого весь мир не может нам доставить. Соделай, да непрестанно обретаемся в Тебе, и тогда мы ради Тебя охотно отречемся от всего Тебе неугоднаго, и будем довольны, как бы Ты, Небесный Отец наш,  устроил земную участь нашу. Аминь.

 
Молитва ангелу-хранителю для материального благополучия

 
 К тебе, ангеле Христов, взываю. Аще оберегал меня и защищал, и хранил, ибо не согрешил я прежде и не согрешу в будущем против веры. Так отзовись же сейчас, низойди на меня и помоги мне.

Трудился я много весьма, и сейчас ты видишь честные руки мои, которыми я трудился. Так пусть же будет, как учит Писание, что воздастся по трудам. Воздай мне по трудам моим, святый, дабы наполнилась утомленная трудом рука, и мог бы я жить безбедно, Богу служить. Исполни волю Всевышнего и облагодетельствуй меня земными щедротами по трудам моим. Аминь.

 
Молитва ангелу-хранителю для того, чтобы не переводилось изобилие на столе

 

Воздав должное Господу Богу нашему, Иисусу Христу, за яства на столе своем, в коих узрел знак высшей любви Его, теперь обращаюсь с молитвой к тебе, святый воин Господень, ангеле Христов. Воля Бога была на то, чтобы за малую праведность свою, я, окаянный, напитал себя и семью свою, жену и чад немысленных.

Молю тебя, святый, обереги меня от пустого стола, исполни волю Господа и воздай мне за деяния мои скромный обед, чтобы мог я утолить голод свой и напитать чад своих, кои еси безгрешны перед лицом Всевышнего. Поелику чем погрешил против слова Божия и в немилость впал, то не по злому умыслу. Видит Боже наш, что не помышлял я о дурном, но следовал всегда заповедям Его. Посему каюсь, молю о прощении за прегрешения, какие есть, и прошу дать стол обильный в меру, чтобы не погибнуть с голоду. Аминь.

 

Молитва святому священномученику Харлампию об избавлении от голода, с просьбой о плодородии земли, хорошем урожае

 

О пречудный священномучениче Харалампие, страстотерпче непреодоленный, священниче Божий, о всем мире ходатайствуяй! Призри на моление нас, почитающих святую память твою: испроси нам у Господа Бога прощение грехов наших, да не до конца прогневается на нас Господь: согрешйхом бо и недостойни явихомся милосердия Божия:

моли о нас Господа Бога, да низпослет мир на грады и веси наша, да избавит нас от нашествия иноплеменников, междоусобныя брани и всяких раздоров и нестроении: утверди, священномучениче, веру и благочестие во всех чадех православныя христианския церкве, и да избавит нас Господь Бог от ересей, расколов и всякаго суеверия.

О милосердый мучениче! Молися за ны ко Господу, да сохранит от глада и всяких болезней, и да подаст нам изобилие плодов земных, скотов умножение на потребу человеком и вся нам полезная: наипаче же да сподобимся, молитвами твоими, небеснаго царствия Христа Бога нашего, Емуже честь и поклонение подобает, со безначальным Его Отцем и пресвятым Духом, ныне и присно и во веки веков. Аминь.

 
 В благополучии и в бедности

(По Деян. 20:35; Мф. 25:34)

Дорогой Отец Небесный, я благодарю Тебя за все то благо, которое Ты даруешь мне через Господа Иисуса Христа. Благослови, дорогой Спаситель, работу, которую Ты дал мне, и дай силы делать ее на благо Твоего царства. Подари мне радость видеть плоды моих трудов и пожертвований. Исполни на мне Свои слова: «Блаженнее давать, нежели принимать», – чтобы я мог жить в благополучии и не испытывать бедности.

Но если и следует мне испытать бедность, то даруй, Господи, мудрости и терпения перенести ее достойно, без ропота, помня о бедном Лазаре, которому Ты, Господи, в царстве Твоем приготовил блаженство.

Молю Тебя, пусть я услышу однажды: «Придите, благословенные Отца Моего, наследуйте Царство, уготованное вам от создания мира». Аминь.

 
Молитва ангелу-хранителю, защищающая от неудач
 

Осеняя себя крестным святым знамением, обращаюсь я в молитве усердной к тебе, ангеле Христов, хранитель моея души и тела. Иже ведаешь делами моими, направляешь меня, посылаешь мне счастливый случай, та не оставь и в миг неудач моих. Прости мои прегрешения, поелику погреших против веры. Защити, святый, от невезения. Пусть неудачи обходят стороной раба Божия (имя), пусть во всех делах моих вершится воля Господа, Человеколюбче, и никогда не пострадаю я от невезения и нищеты. О сем молю тебя, благодетель. Аминь.


Молитва святителю Иоанну Милостивому, патриарху Александрийскому

 

Святителю Божий Иоанне, милостивый защитниче сирых и сущих в напастях! К тебе прибегаем и тебе молимся, рабы Твои (имена), яко скорому покровителю всех ищущих от Бога утешения в бедах и скорбях. Не престай молитися ко Господу о всех с верою притекающих к тебе!

Ты, преисполнен быв Христовой любви и благости, явился яко чудный чертог добродетели милосердия и стяжал себе имя «Милостивый». Ты был яко река, непрестанно текущая щедрыми милостями и всех жаждущих обильно напояющая. Веруем, яко, по преселении от земли на небо, усугубися в тебе дар благодати сея и яко соделался еси неисчерпаемый сосуд всякия благостыни.

Сотвори убо своим ходатайством и заступлением пред Богом «всякия утехи», да вси, прибегающии к тебе, обретают мир и безмятежие: даруй им утешение в печалех временных и пособие в нуждах житейских, всели в них надежду вечнаго упокоения в Царствии Небесном. В житии своем на земли ты был пристанище всем сущим во всякой беде и нужде, обидимым и недугующим; ни един от притекавших к тебе и просивших у тебе милости лишен бысть твоея благостыни.

Тожде и ныне, царствуя со Христом на небеси, яви всем покланяющимся пред честною твоею иконою и молящимся о помощи и заступлении. Не точию сам ты творил милость безпомощным, но и сердца других воздвигал к утешению немощных и к призрению убогих. Подвигни убо и ныне сердца верных к заступлению сирых, утешению скорбящих и успокоению неимущих. Да не оскудевают в них дары милости, паче же да веселится в них (и в дому сем, призревающем страждущих), мир и радость о Духе Святе, – во славу Господа и Спаса нашего Иисуса Христа, во веки веков. Аминь.

 
Молитва святителю Николаю Чудотворцу, оберегающая от потери
Св. Николай Чудотворец

О добрый наш пастырю и богомудрый наставниче, святителю Христов Николае! Услыши нас грешных (имена), молящихся тебе и призывающих в помощь скорое предстательство твое: узри нас немощных, отовсюду уловляемых, всякаго блага лишенных и умом от малодушия помраченных.

Потщися, угодниче Божий, не оставите нас в греховнем плену быти, да не будем в радость врагом нашим и не умрем в лукавых деяниих наших. Моли о нас недостойных Содетеля нашего и Владыку, Ему же ты со безплотными лики пред-стоиши: милостива к нам сотвори Бога нашего в нынешнем житии и в будущем веце, да не воздаст нам по делом нашим и по нечистоте сердец наших, но по Своей благости воздаст нам.

На твое ибо ходатайство уповающе, твоим предстательством хвалимся, твое заступление на помощь призываем, и ко пресвятому образу твоему припадающе, помощи просим: избави нас, угодниче Христов, от зол находящих на нас, да ради святых твоих молитв не обымет нас напасть и не погрязнем в пучине греховней и в тине страстей наших. Моли, святителю Христов Николае, Христа Бога нашего, да подаст нам мирное житие и оставление грехов, душам же нашим спасение и великую милость, ныне и присно и во веки веков.


Молитва святителю Спиридону Тримифунтскому, дарующая безмятежное, безбедное существование



О всеблаженный святителю Спиридоне, великий угодниче Христов и преславный чудотворче! Предстояй на небеси Престолу Божию с лики Ангел, призри милостивым оком на предстоящии зде люди (имена) и просящия сильныя твоея помощи. Умоли благоутробие Человеколюбца Бога, да не осудит нас по беззаконием нашим, но да сотворит с нами по милости Своей!

Испроси нам у Христа и Бога нашего мирное и безмятежное житие, здравие душевное и телесное, земли благоплодие и во всем всякое изобилие и благоденствие, и да не во зло обратим благая, даруемая нам от щедраго Бога, но во славу Его и в прославление твоего заступления! Избави всех, верою несумненною к Богу приходящих, от всяких бед душевных и телесных, от всех томлений и диавольских наветов!

Буди печальным утешитель, недугующим врач, в напастех помощник, нагим покровитель, вдовицам заступник, сирым защитник, младенцем питатель, старым укрепитель, странствующим путевождь, плавающим кормчий, и исходатайствуй всем, крепкия помощи твоея требующим, вся, яже ко спасению полезная! Яко да твоими молитвами наставляеми и соблюдаеми, достигнем в вечный покой и купно с тобою прославим Бога, в Троице Святей славимаго, Отца и Сына и Святаго Духа, ныне и присно и во веки веков. Аминь.

 
Молитва святителю Тихону Задонскому для ниспослания безбедной
Св. Тихон Задонский


О всехвальный святителю и угодниче Христов, отче наш Тихоне! Ангельски на земли пожив, ты яко ангел благий явился и в давнем твоем прославлении: веруем от всея души и помышления, яко ты, благосердый наш помощниче и молитвенниче, твоими неложными ходатайствы и благодатию, от Господа обильно тебе дарованною, присно способствуеши нашему спасению.

Приими убо, ублажаемый угодниче Христов, и в час сей наша недостойная моления: свободи ны твоим заступлением от облегающаго нас суесловия и суемудрия, неправоверия и зловерия человеческаго; потщися, скорый о нас предстателю, благоприятным твоим ходатайством умолити Господа,

да пробавит Своя великия и богатыя милости на нас грешных и недостойных рабов Своих (имена), да уврачует Своею благодатию неисцеленныя язвы и струпы растленных душ и телес наших, да растворит окаменелая сердца наша слезами умиления и сокрушения о премногих согрешениих наших, и да избавит ны от вечных мук и огня геенскаго;

всем же верным людем Своим да дарует в нынешнем веце мир и тишину, здравие и спасение и во всем благое поспешение, да тако, тихое и безмолвное житие поживше во всяком благочестии и чистоте, сподобимся со Ангелы и со всеми святыми славити и воспевати всесвятое имя Отца и Сына и Святаго Духа во веки веков.

 
Молитва преподобному Алексию, человеку Божию, для защиты в бедности
 

О великий Христов угодниче, святый человече Божий Алексие, душею на небеси престолу Господню предстояй, на земли же данною тебе свыше благодатию различная совершаяй чудеса! Призри милостив-но на предстоящия святей иконе твоей людие (имена), умиленно молящиеся и просящия от тебе помощи и заступления.

Простри молитвенно ко Господу Богу честнии руце твои и испроси нам от Него оставление согрешений наших вольных и невольных, в недузех страждущим исцеление, напаствуемым заступление, скорбящим утешение, бедствующим скорую помощь, всем же чтущим тя мирную и христианскую живота кончину и добрый ответ на страшнем суде Христове.

Ей, угодниче Божий, не посрами упования нашего, еже на тя по Бозе и Богородице возлагаем, но буди нам помощник и покровитель во спасение, да твоими молитвами получивше благодать и милость от Господа, прославим человеколюбие Отца и Сына и Святаго Духа, в Троице славимаго и покланяемаго Бога, и твое святое заступление, ныне и присно и во веки веков. Аминь.

 
 Молитва пред иконами Божией Матери «Всех скорбящих Радость» для
Всех скорбящих радость


О Пресвятая Владычице Богородице, преблагословенная Мати Христа Бога, Спасителя нашего, всех скорбящих радосте, больных посещение, немощных покрове и заступнице, вдовиц и сирых покровительнице, матерей печальных всенадежная утешительнице, младенцев немощных крепосте, и всем безпомощным всегда готовая помоще и верное прибежище!

Тебе, о Всемилостивая, дадеся от Всевышняго благодать во еже всех заступати и избавляти от скорбей и болезней, зане Сама лютыя скорби и болезни претерпела еси, взирающи на вольное страдание Сына Твоего возлюбленнаго и Того на кресте распинаема зрящи, егда оружие, Симеоном предреченное, сердце Твое пройде: темже Убо, о Мати чадолюбивая, вонми гласу моления нашего, утеши нас в скорби сущих, яко верная радости ходатаица.

Предстоящи престолу Пресвятыя Троицы, одесную Сына Твоего, Христа Бога нашего, можеши, аще восхощеши, вся нам полезная испросити: ради с верою сердечною и любовию припадаем к Тебе, яко Царице и Владычице: слыши дщи, и виждь, и приклони ухо Твое, услыши моление наше и избави нас от обстоящих бед и скорбей:

Ты бо Радосте всех верных, яко мир и утешение подаеши. Се зриши беду нашу и скорбь: яви нам милость Твою, посли утешение уязвленному печалию сердцу нашему, покажи и удиви на нас грешных богатство милосердия Твоего, подаждь нам слезы покаяния ко очищению грехов наших и утолению гнева Божия, да с чистым сердцем, совестию благою и надеждою несумненною прибегаем ко Твоему ходатайству и заступлению.

Приими, Всемилостивая наша Владычице Богородице, усердное моление наше Тебе приносимое, и не отрини нас недостойных от Твоего благосердия, но подаждь нам избавление от скорби и болезни, защити нас от всякаго навета вражия и клеветы человеческия, буди нам помощница неотступная во вся дни жизни нашея, яко да под Твоим матерним покровом всегда пребудем цели и сохранени Твоим заступлением и молитвами к Сыну Твоему и Богу Спасителю нашему, Емуже подобает всякая слава, честь и поклонение, со безначальным Его Отцем и Святым Духом, ныне и присно и во веки веков. Аминь.

 
Молитва пред иконами Божией Матери «Казанская» для избавления от
икона Казанская


О Пресвятая Госпоже, Владычице Богородице! Со страхом, верою и любовию пред честною и чудотворною иконою Твоею припадающе, молим Тя: не отврати лица Твоего от прибегающих к Тебе: умоли, милосердная Мати, Сына Твоего и Бога нашего, Господа Иисуса Христа, да сохранит мирну страну нашу, Церковь же Свою святую непоколебиму да соблюдет и от неверия, ересей и раскола да избавит.

Не имамы ибо иныя помощи, не имамы иныя надежды, разве Тебе, Пречистая Дева: Ты еси всесильная христиан помощница и заступница: избави же и всех, с верою Тебе молящихся, от падений греховных, от навета злых человек, от всяких искушений, скорбей, болезней, бед и от внезапныя смерти:

даруй нам дух сокрушения, смирение сердца, чистоту помышлений, исправление греховныя жизни и оставление прегрешений, да все благодарне воспевающе величия и милости Твоя, являемыя над нами здесь на земли, сподобимся и Небеснаго Царствия, и тамо со всеми святыми прославим пречестное и великолепое имя Отца и Сына и Святого Духа, во веки веков.

 
Молитва пред иконами Божией Матери «Покров Пресвятой Богородицы»


О Пресвятая Дева, Мати Господа Вышних Сил, Небесе и земли Царице, града и страны нашея все-мощная Заступнице! Приими хвалебно-благодарственное пение сие от нас, недостойных раб Твоих, и вознеси молитвы наша ко Престолу Бога Сына Твоего, да милостив будет неправдам нашим и пробавит благодать Свою чтущим всечестное имя Твое и с верою и любовию покланяющимся чудотворному образу Твоему.

Несмы ибо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорей Заступнице нашей: услыши нас, молящихся Тебе, осени нас все-державным покровом Твоим и испроси у Бога Сына Твоего пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание:

всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя; разсеянныя собери, заблуждшия на путь правый настави, старость поддержи, юныя уцеломудри, младенцы воспитай и призри на всех нас призрением милостиваго Твоего заступления; воздвигни нас из глубины греховныя и просвети сердечныя очи наша ко зрению спасения;

милостива нам буди зде и тамо, в стране земнаго пришельствия и на Страшнем суде Сына Твоего; преставльшияся же в вере и покаянии от жития сего отцы и братию нашу в вечней жизни со Ангелы и со всеми святыми жити сотвори. Ты ибо еси, Госпоже, Слава небесных и Упование земных, Ты по Бозе наша Надеждо и Заступнице всех притекающих к Тебе с верою. К Тебе убо молимся и Тебе, яко Всемогущей Помощнице, сами себе и друг друга и весь живот наш предаем, ныне и присно и во веки веков. Аминь.



Молитва в защите от бедности и прочих бед святой Ксении Блаженной
Святая блаженная Ксения Петербургская (Ксения Григорьевна Петрова) — русская православная святая, Христа ради юродивая


О святая всеблаженная мати Ксение! Под кровом Всевышняго жившая, ведомая и укрепляемая Богоматерию, глад и жажду, хлад и зной, поношения и гонения претерпевшая, дар прозорливости и чудотворения от Бога прияла еси и под сению Всемогушаго покоишися.

Ныне Святая Церковь, яко благоуханный цвет, прославляет тя: предстояще на месте погребения твоего, пред образом твоим святым, яко живей ти, сушей с нами, молимся ти: приими прошения наша и принеси их ко Престолу Милосердаго Отца Небеснаго, яко дерзновение к Нему имущая, испроси притекающим к тебе вечное спасение, и на благая дела и начинания наша щедрое благословение, от всяких бед и скорбей избавление, предстани святыми твоими молитвами пред Всемилостивым Спасителем нашим о нас, недостойных и грешных, помози,

святая блаженная мати Ксение, младенцы светом Святаго Крещения озарити и печатию дара Духа Святаго запечатлети, отроки и отроковицы в вере, честности, богобоязненности и целомудрии воспита-ти и успехи в учении им даровати; болящия и недугу-ющия исцели, семейным любовь и согласие низпосли, монашествующим подвигом добрым подвизатися удостой и от поношений огради,

пастыри в крепости духа утверди, народ и страну нашу в мире и безмя-тежии сохрани, о лишенных в предсмертный час причащения Святых Христовых Тайн умоли: ты наша надежда и упование, скорое услышание и избавление, тебе благодарение возсылаем и с тобою славим Отца и Сына и Святаго Духа, ныне и присно и во веки веков. Аминь.

 
Молитвы о покровительстве в торговле Великомученику Иоанну
Иоанн Сочавский
 

Святой великомученик Иоанн Новый, Сочавский, имеет особую благодать от Бога помогать занимающимся торговлей. Память его празднуется 15 июня.

Для успешной торговли  молятся этому святому, а также его иконку необходимо иметь на торговой точке. Иконки (любые) приобретаются только освященные в церкви. Кроме приведенных ниже молитв, произносятся прошения и «своими словами».

Тропарь, глас 4

Житие на земли добре окормляя, страдальче, милостынями, и частыми молитвами, и слезами, паки же ко страданию мужески устремився, персское обличил еси нечестие. Темже Церкве был еси утверждение и христиан похвало, Иоанне приснопамятне.

Кондак, глас 4

Морскую плавая пучину куплею, от востока тщался еси к северу, но Богу призвавшу тя, якоже Матфей мытницу, ты же куплю оставль, и Тому последовал еси кровию мучения, временными искупив непроходимая, и венец приял еси непобедимый.

Молитва 1-я

Святый великомучениче Иоанне! Призри с небеснаго чертога на требующих твоея помощи и не отвергни прошений наших, но, яко присный благодетель и ходатай наш, моли Христа Бога, да, человеколюбив и многомилостив сый, сохранит нас от всякаго лютаго обстояния: от труса, потопа, огня, меча, нашествия иноплеменников и междоусобныя брани.

Да не осудит нас грешных по беззаконием нашим, и да не во зло обратим благая, даруемая нам от Всещедраго Бога, но во славу святаго имене Его и в прославление крепкаго твоего заступления. Да молитвами твоими даст нам Господь мир помыслов, воздержание от пагубных страстей и от всякия скверны и да укрепит во всем мире Свою Едину Святую, Соборную и Апостольскую Церковь, юже стяжал есть честною Своею Кровию.

Молися прилежно, святий мучениче, да благословит Христос Бог державу, да утвердит во святей Своей Православней Церкви живый дух правыя веры и благочестия, да вси члены ея, чистии от суемудрия и суеверия, духом и истиною покланяются Ему и усердно пекутся о соблюдении Его заповедей, да мы вси в мире и благочестии поживем в настоящем веце и достигнем блаженныя вечныя жизни на небеси, благодатию Господа нашего Иисуса Христа, Ему же подобает всякая слава, честь и держава со Отцем и Святым Духом, ныне и присно и во веки веков. Аминь.

Молитва 2-я

О святый угодниче Божий, Иоанне! Подвигом добрым подвизався на земли, восприял еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою.

Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякого зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

Молитва 3-я

Святый, славный и всехвальный Великомучениче Христов, Иоанне, несумненный ходатаю нашего спасения. Молим Тя раби Твои, собрании днесь в Божественнем Твоем храме и раце святых мощей поклоняющиеся;

милостив буди якоже нам, тако и далече отстоящим и на помощь Тя призывающим и мученическая Твоя страдания похвалами ублажающим. Испроси нам всем у Многомилостиваго Господа Бога и Спаса нашего Иисуса Христа прощения и оставления грехов до сего дне и часа содеянных нами. Сохрани нас невредимых от всех козней лукаваго и ненаветну жизнь нашу соблюди от всех зол душевных и телесных; всегда, ныне и присно и во веки веков. Аминь.

источник http://dar-slova.ru/duxovnoe-i-lichnostnoe-rasvitie/statii-finansov/molitvyi-o-pomoshhi-v-biznese-zashhishhayushhie-ot-bednosti-i-denezhnyih-problem#ixzz4IWPS3qWH