Дорогие братья и сестры! Прошу Ваших молитв о здравии болящей рабы Божией Анны.

Тропарь, глас 4

   Скорый в заступлении един сый, Христе, скорое свыше покажи посещение  страждующей рабе Твоей Анны, и избави от недуг и горьких болезней, и воздвигни во еже пети Тя и славити непрестанно, молитвами Богородицы, едине человеколюбче.

Кондак, глас 2

   На одре болезни лежащею и смертною раною уязвленною, якоже иногда воздвигл еси, Спасе, Петрову тещу и расслабленного, на одре носимаго; сице и ныне, Милосерде, страждующую Анну посети и исцели: Ты бо един еси недуги и болезни рода нашего понесый и вся могий, яко Многомилостив.

Молитва.

   Владыко Вседержителю, Святый Царю, наказуяй и не умерщвляяй, утверждаяй низпадающия и возводяй низверженныя, телесныя человеков скорби исправляяй, молимся Тебе, Боже наш, рабу Твою Анну, немощствующа посети милостию Твоею, прости ей всякое согрешение вольное и невольное. Ей, Господи, врачебную  Твою силу  с небесе низпосли, прикоснися телесе, угаси огневицу, укроти страсть и всякую немощь таящуюся, буди врач рабы Твоей Анны, воздвигни ее от одра болезненнаго и от ложа озлобления цела и всесовершенна, даруй ей Церкви Твоей благоугождающа и творяща волю Твою. Твое бо есть, еже миловати и спасати ны, Боже наш, и Тебе славу возсылаем, Отцу и Сыну и Святому Духу, ныне и присно и во веки веков. Аминь.

   О Премилосердный Боже, Отче, Сыне и Святый Душе, в нераздельной Троице покланяемый и славимый, призри благоутробно на рабу Твою Анну, болезнию одержимаю, отпусти ей вся согрешения ее; подай ей исцеление от болезни; возврати ей здравие и силы телесныя; подай ей долгоденственное и благоденственное житие, мирные Твои и премирные блага; чтобы она вместе с нами приносила благодарные мольбы тебе, Всещедрому Богу и Создателю моему.

   Пресвятая Богородице, всесильным заступлением Твоим помоги мне умолить Сына Твоего, Бога моего, об исцелении рабы Божией Анны.

   Все святые и ангелы Господни, молите Бога о болящей  рабе Его Анны. Аминь.