Шуҳратжон АҲМАДЖОНОВ

НЎНОҚ МУХОЛИФАТ ВА СОЛИЖОН АБДУРАХМОНОВ ОЗОДЛИГИ

Сизларнинг қайси бирларингиз бирор жиноий ишни қилинаётганини кўриб қолсангиз дарҳол уни қўлингиз билан тўхтатинг. Агар бунга имкониятингиз бўлмаса тилингиз билан қайтаринг. Бордию буни ҳам бажара олмасангиз дилингиз билан нафратланиб туринг. Лекин буниси иймони заиф кишининг ишидир. [1]
МУҲАММАД ПАЙҒАМБАР (а.в.с.)


Фото 1. Солижон Абдурахмонов қамоқда. [2]

Маълумки, Қорақалпоғистонлик журналист Солижон Абдураҳмоновни Ўзбекистондаги диктаторлик режими 2008 йил 7 июн куни ҳибсга олиб, ноҳақ судлаш орқали туҳмат билан 10 йилга қамаган эди. У ҳозир 64 ёшда (1950 йилда туғилган).

2014 йил 26 август куни Германиядаги Йоханн-Филипп Палм номидаги жамғарма 2014 йил сўз эркинлиги ва матбуот соҳасидаги совриндор деб Ўзбекистонлик журналист Солижон Абдураҳмонов ва Баҳрейнлик Назиха Сайидлар (Nazeeha Saeed)ни эълон қилди. Совринга қўшиб 10 000 евро пул мукофоти ҳам берилади. Тақдирлаш маросими 2014 йил 30 ноябр куни Германиянинг Шорндорф шаҳрида бўлади. [2]

Йоханн-Филипп Палм қаҳрамонлигига доир маълумот.

«Йоханн-Филипп Палм 1768 йил 17 декабр куни Шорндорф шаҳрида жарроҳ оиласида туғилган, француз Напалеон Бонапарт қўшинлари томонидан Германиянинг ишғол қилиниши танқидчиси бўлган.

1806 йили Палм аноним муаллиф номидан “Германия ва унинг таҳқирланиши” памфлетини (китобчаси)ни чоп қилган. 14 август куни у ҳибсга олинган. У барибир памфлет муаллифи номини сотмаган ва суд томонидан ўлимга ҳукм қилинган.

1806 йилнинг 26 августида Палм қатл қилинган. Эълон қилинган ҳукмни минглаб нусхада тарқатишган, унинг кўриниб турган адолатсиз экани ғазаб ва норозиликни қўзғотган. Немислар қалбида Йоханн-Филипп Палм қаҳрамон ва ягона Германия асосчиси бўлди” [2]

Солижон Абдураҳмоновни озод қилиш талаби (петиция) ёзилган Петициянинг рус тилидаги матни https://secure.avaaz.org/en/petition/Kancleru_Germanii_Gospozhe_Angele_Merkel_Pozvonite_Prezidentu_RUz_i_poprosite_osvobodit_Salidzhona_Abdurahmanova/?arFKieb сайтида ва инглиз тилидаги матни
https://secure.avaaz.org/en/petition/Dr_Angela_Merkel_Chancellor_of_the_Federal_Republic_of_Germany_Call_Uzbek_President_ask_to_release_journalist_Salijon_Ab/sign/?arFKieb сайтида 2014 йил 10 ноябр куни чоп этилган бўлиб, унинг остига имзо тўпланмоқда.


Мен ушбу петицияга имзо тўпланаётгани ҳақида 23 ноябр куни билдим ва шу куни 25-бўлиб имзо чекдим.

www.facebook.com сайтида “Шухратжон_Ахмаджонов” номли саҳифамда 65 нафар ўртоқлар бор (у ерда 68 рақами ёзилган, лекин махсус хизматларнинг фейсбукдаги провокацияси сабабли айримлари икки мартадан қайд этилган). Мен ўзбек ҳамда рус тилларида қуйидаги хатни тайёрладим ва уларнинг ҳар бири саҳифасига қўйдим. Фақат Навбаҳор Имамова, Ғафуржон Йўлдошев ва “Adolat Web Sahifasi”da хабар ёзадиган катагига кимдир тўсиқ (блок) қўйгани, яъни олиб ташлагани боис ушбу хатни учта саҳифага жойлаштириш иложим бўлмади.

“ПЕТИЦИЯ (МУРОЖААТНОМА)НИ ИМЗОЛАШИНГИЗНИ СЎРАЙМАН

Қорақалпоғистонлик журналист Солижон Абдураҳмоновни Ўзбекистондаги диктаторлик режими суди 2008 йилда туҳмат билан 10 йилга қамаган эди. У ҳозир 64 ёшда (1950 йилда туғилган).

Ҳозир рус тилида https://secure.avaaz.org/en/petition/Kancleru_Germanii_Gospozhe_Angele_Merkel_Pozvonite_Prezidentu_RUz_i_poprosite_osvobodit_Salidzhona_Abdurahmanova/?arFKieb ва инглиз тилида
https://secure.avaaz.org/en/petition/Dr_Angela_Merkel_Chancellor_of_the_Federal_Republic_of_Germany_Call_Uzbek_President_ask_to_release_journalist_Salijon_Ab/sign/?arFKieb сайтида Солижон Абдураҳмоновни озод қилиш талаби (петиция) остига имзо тўпланмоқда.

Биродарларим! Илтимос, ушбу мурожаат остига имзо чексаларингиз яхши бўларди.

Бу ҳақда www.uznews.net сайти раҳбари, қўрқмас журналист Галима Бухорбоева бундай ёзган:

“2014 йил 30 ноябр куни Германиянинг Шорндорф шаҳрида Палм жамғармасининг 2014 йил – Озодлик ва матбуот эркинлиги мукофоти билан мукофотлаш маросими бўлади — Абдураҳмонов унинг лауреатларидан бири.

“Чегара билмас мухбирлар” ташкилоти тайёрлаган, президент Ислом Каримовдан Солижон Абдураҳмоновни озод этиш сўралган петицияни имзолашларини сўраймиз.

Шунингдек Германия канцлери Ангела Меркелдан Ислом Каримовга қўнғироқ қилиш ва ундан 64 ёшли журналистни озод этиш сўралган (рус ёки инглиз тилида).

Барча имзоловчилардан ўз ҳақиқий номларини қўйишларини сўраймиз. Қўрқоқлик ва заифликлар даври ўтди” http://www.uznews.net/uz/society/28235-uznewsnet-zhurnalistlari-himojasiga ([3]-[4])

Энг яхши тилаклар билан Шуҳратжон Аҳмаджонов

2014 йил 23-24 ноябр.

АҚШ, Вашингтон шаҳри”

Шундан сўнг Петицияни яна 10 киши имзолади ва имзолар сони 35 тага етди.

2014 йил 29 ноябр куни Вашингтон вақти билан соат 18:00 га қадар инглиз тилидаги мурожаатнома (петиция) остига бор-йўғи 25 нафар [5], рус тилидаги матни остига эса 35 нафар киши имзоси тўпланган [6].

Шу ерда Петициянинг ўзбек тилидаги матнини келтириб ўтсам (уни ўзбек тилига мен ўгирдим).

«Ҳурматли Меркел хоним!

Биз, қуйида имзо чекувчилар, Ўзбекистонлик 64 ёшли журналист Солижон Абдурахмоновни қамоқдан озод этишда қўллаб-қувватлашингиз ҳамда ёрдам беришингизни сўраймиз.

Биз бир дақиқа вақтингизни ажратиш ва Ўзбекистон президенти Ислом Каримовга қўнғироқ қилиш орқали Абдурахмоновни озод этишни шахсан сўрашингизни илтимос қиламиз.

У 30 ноябр куни Германиянинг Шендорф шаҳрида Йоханна-Филиппа Палма жамғармасининг Сўз ва ОАВ эркинлиги – 2014 совринини олиши сабабли 2008 йилда ноҳақ қамалган журналистга ёрдам бериш учун фавқулодда имконият пайдо бўлди.

Германияда сўз эркинлиги, журналистлик фаолиятидаги муваффақиятлари учун мукофот олаётган шахсни Ўзбекистон ҳокимиятидагилар қамоқда тутиб туришни давом эттирмасликлари керак.

Солижон Абдурахманов Орол денгизининг қуриши оқибатида энг кўп зарар кўрган Ўзбекистон таркибидаги Қорақалпоғистон Республикасидаги ягона мустақил журналист эди. У ҳибсга олинган пайтдан бошлаб “шўр ўлка” ўзининг ягона овозидан маҳрум бўлди, ҳокимиятдагилар эса кузатувчи ва танқидчидан қутулишди.

Меркел хоним, Сиз жуда банд сиёсатчидирсиз, тан олинган дунё раҳбарисиз, ва Ўзбекистон Сизнинг кун тартибингизга аҳён-аҳёнда тушади, лекин бу мамлакат 2001 йилдан бери Бундесвер қўшинини Термезда база билан таъминламоқда.

Ушбу ҳамкорликдан оддий халқ бир марта бўлсада ютсин. Меркел хоним, Ислом Каримовга қўнғироқ қилинг, бу Сизнинг бир дақиқа вақтингизни олади, лекин ўзбек қамоқхонасидаги ҳар бир кун – бу мангуликдир, яхши журналист и инсонга озодликни ҳадя этинг.

Умид ва миннатдорлик билан, »

Энди бир оз таҳлил қилсам. Таҳлилни www.avaaz.org сайти ҳақидаги умумий маълумотдан бошласам.

“Авааз” (форс-тожик тилидаги “овоз” сўзидан олинган ва инглиз тилида avaaz) – бу глобал Халқаро нодавлат нотижорат ташкилоти бўлиб 2007 йил январ ойида ташкил этилган. Маркази АҚШдаги Ню-Йорк шаҳрида жойлашган. 2014 йил 30 ноябр куни унга 194 мамлакатдан 40 миллион 510 минг киши аъзо бўлган. У 2007 йилдан бери жами 211 миллион 854 мингдан ортиқ кампания, жумладан оммавий имзо тўплаш кампаниясини ташкил этди. Ташкилот ўз аъзолари билан асосан электрон почта орқали алоқа қилади. [7]

“Авааз”га аъзо шахс имзо тўплаш кампаниясини уюштириш учун ўз мурожаатномасини www.avaaz.org сайтида чоп этиши мумкин. Ташаббускор фуқаро(лар) маълум сондаги имзоларни электрон почталар орқали ўзлари ташкил этиб тўплашлари керак. Адашмасам, имзолар сони 200 тага етгач www.avaaz.org сайти ходимлари ушбу петицияни жуда кўпчилик аъзоларнинг электрон почталарига жўнатиб юборади ва имзо тўплаш жараёни халқаро миқёсда оммавий тус олади.

Энди ўзбек мухолифати аҳволига эътибор берайлик. Мухолифат фаолларидан бири бўлмиш журналист Галима Бухарбаева Ўзбекистон қамоқхонасида 6 йилдан бери ноҳақ азоб чекаётган Қорақалпоғистонлик 64 ёшли журналист Солижон Абдураҳмоновни озод этилишини талаб қилиб “Канцлеру Германии - Госпоже Ангеле Меркель: Позвоните Президенту РУз и попросите освободить Салиджона Абдурахманова (Германия Канцлери доктор Ангела Меркелга: ЎзР Президентига қўнғироқ қилинг ва Солижон Абдурахманов озод этишни сўранг)” номли Петицияни 2014 йил 10 ноябр куни www.avaaz.org сайтида рус ва инглиз тилларида чоп этди. Юқорида таъкидлаганимдек, 2014 йил 30 ноябрга қадар рус тилидаги Петицияга 35 фуқаро, инглиз тилидаги матн остига 25 нафар фуқаро имзо чекибди.

Савол туғилади: нима сабабдан ўзбек мухолифати ўз сафдошини қамоқдан озод этиш талаби остига камида 200 та имзо тўплай олмаётир?

1. Ҳар бир мухолифат сайт ушбу Петиция матнини кўчириб чоп этса ва ўз ўқувчиларига мурожаат этса яхши бўларди. Чунки Аллоҳ Ер юзида туғилган ҳар бир чақалоққа биринчи кунданоқ инсон ҳақларини беради. Булар тўғрисида Инсон ҳақлари Умумжаҳон декларацияси 30 та моддасида яхши ёзилган ([8]-га қаранг, арабча “ҳуқуқ” сўзи “ҳақ” сўзининг кўпликдаги шаклидир). Шу сабабли Аллоҳ берган инсон ҳақлари масаласи айрим мухолифат раҳбарлари, фаоллари ва ташкилотларининг ўзаро ғиди-биди гап-сўзларидан жуда-жуда юқори туради.

2. Кўпчиликка маълумки www.facebook.org сайтида 2014 йил август ўрталаридан бери “Қўрқмасвойлар” гуруҳи фаолият олиб бораётир [8]. “Тунги уйғоқ” (Қудрат Бобожонов) исмли фейсбук фаоли 2014 йил август охирида мени ушбу гуруҳга қўшди ва менга хабар қилди. Мен индамадим. Қолаверса қўрқмаслик бобида ўша аъзоларга нисбатан менинг бирорта камчилигим йўқ ва мен ёлғиз Аллоҳдангина қўрқаман. Битта мисол: 1990 йил сентябр ойида Ўш-Узган қирғини масаласида пикет пайтида Москвада Кремл қаршисидаги Россия меҳмонхонаси олдида қизил материалга шиор қилиб ёзиб Ўзбекистон Президенти Ислом Каримовнинг истеъфоси талаб қилганлардан бири мен эдим.

Бугунги кунда - 2014 йил 30 ноябрда “Қўрқмасвойлар” гуруҳига 10 минг 403 киши аъзо бўлибди. Мен Солижон Абдурахманов озод этиш талаб қилинган Петиция матнини “Қўрқмасвойлар” гуруҳининг www.facebook.org сайтидаги саҳифасига 2014 йил 23 ноябр куни соат 3:15 да қўйган эдим. Агар ушбу гуруҳга аъзо бўлган ва кўкрагига уриб “Қўрқмайман” деб мақтанаётганлардан ҳар иккитасидан биттаси имзо қўйганида умумий имзолар сони беш мингтадан ошган бўларди. Менимча, улардан анчаси Ўзбекистон Миллий хавфсизлик хизматидан қўрқади.

3. 2007 йил 17 декабр куни ноҳақ қамоққа олиниб, Ўзбекистондаги даҳшатли Жаслиқ қамоқхонасида кўп йиллар азоб чеккан ва инсон ҳақлари фаоллари, халқаро ташкилотлар ҳаракати, айниқса АҚШ раҳбарияти талаби билан қамоқдан 2011 йил май ойида озод этилган шоир Юсуф Жумани (1958.19.01) кўпчилик танийди. Ушбу фотосуратдаги тўққиз киши Петицияга ўз имзоларини қўйган тақдирда ҳам имзолар сони бирданига 9 тага ошган бўларди. Юсуф Жума шу савоб ишни ташкил этса бўларди. Афсуски, у бу савоб ишни ташкиллаштирмади ...




Фото 2. АҚШдаги Кентаки шаҳар халқаро аэропортида Юсуф Жумани кутиб олиниши. 2011 йил 20 май. (www.turonzamin.org )

4. Петиция матни инглиз ва рус тилларида [5]-[6]-мақолаларда чоп этилганини ҳисобга олиб, хориждаги фаоллар матнни вараққа кўчириб ҳамда кўпайтириб ўзи яшаётган мамлакат ва шаҳар фуқароларига бериб, www.avaaz.org сайтидаги Петицияни имзолашни сўрашса яхши бўларди. Мен бу ишни Вашингтон шаҳрида ташкил этдим ва фуқароларга 24-26 ноябр кунлари 60 тага яқин Мурожаатнома варағини тарқатиб, веб сайтдаги Петицияга имзо қўйишларини илтимос қилдим (27 ноябр - пайшанба куни АҚШда Шукроналик байрами, 28 ноябр куни эса “Қора жума” номли байрамдир).

5. Твиттер ҳамда Одноклассники ижтимоий тармоқларидаги и электрон почта орқали таниш-билишларга хат ёзиб ҳам Петиция остидаги имзолар сонини кўпайтириш мумкин.

Ер юзида 40 миллиондан ортиқ ўзбеклар яшаётганлигини ҳисобга олсак, нўноқ ўзбек мухолифати қамоқда азоб чекаётган, Германиянинг нуфузли халқаро мукофоти соҳиби бўлган журналист ҳамда инсон ҳақлари фаоли бўлмиш Солижон Абдурахманов ҳимоясига камида 200 та имзо тўплай олмаётгани шармандалик, деб ҳисоблайман.

Сиз билан биз Петиция (Мурожаатнома)га имзо қўйишимиз орқали қамоқдагилар озод қилинишини талаб этишимиз жиноий ишни тилимиз билан қайтаришга киради. Биз Петицияни имзолаш орқали улуғ Пайғамбаримиз Муҳаммад (с.а.в.) кўрсатган йўл-йўриқни бажариб, савоб иш қилган бўламиз.

Ушбу мақоламни ўқигач Солижон Абдурахманов ҳимояси ва озодлиги учун ҳам, бошқа муҳим Петицияларга ҳам миллатдошларим ва ватандошларим имзо чекишар деган умиддаман.


ФОЙДАЛАНИЛГАН АДАБИЁТЛАР

1. ШАЙХ МУҲАММАД СОДИҚ МУҲАММАД ЮСУФ. Имом Тирмизий. Имом Тирмизийнинг 1200 йиллигини нишонлаш халқаро Ислом анжумани очилишида сўзланган нутқ, 1990 йил 14 сентябрь. - http://islom.uz/content/view/345/147/ (www.islom.uz Шайх Муҳаммад Содиқ Муҳаммад Юсуф сайти).

2. Журналист Салиджон Абдурахманов лауреат премии Палма! -
http://www.uznews.net/ru/world/27335-zhurnalist-salidzhon-abdurahmanov-laureat-premii-palma (www.uznews.net/ru/ 26.08.2014)
Журналист Солижон Абдурахмонов Палм мукофоти лауреати! -
http://www.uznews.net/uz/world/27343-zhurnalist-solizhon-abdurahmonov-palm-mukofoti-laureati (www.uznews.net/uz/ 2014.26.08)

3. БУХАРБАЕВА Г. Uznews.net журналистлари ҳимоясига. -
http://www.uznews.net/uz/society/28235-uznewsnet-zhurnalistlari-himojasiga (www.uznews.net/uz/ 2014.21.11)

4. БУХАРБАЕВА Г. За журналистов Uznews.net. - http://www.uznews.net/ru/society/28234-za-zhurnalistov-uznewsnet (www.uznews.net/ru/ 21.11.2014)

5. БУХАРБАЕВА Г. Dr. Angela Merkel
 - Chancellor of the Federal Republic of Germany
: Call Uzbek President & ask to release journalist Salijon Abdurakhmanov (Германия Канцлери доктор Ангела Меркелга: ЎзР Президентига қўнғироқ қилинг ва Солижон Абдурахмановни озод этишни сўранг). - https://secure.avaaz.org/en/petition/Dr_Angela_Merkel_Chancellor_of_the_Federal_Republic_of_Germany_Call_Uzbek_President_ask_to_release_journalist_Salijon_Ab/?preview=live (www.secure.avaaz.org/en/petition/ 11.10. 2014).

6. БУХАРБАЕВА Г. Канцлеру Германии - Госпоже Ангеле Меркель: Позвоните Президенту РУз и попросите освободить Салиджона Абдурахманова (Германия Канцлери доктор Ангела Меркелга: ЎзР Президентига қўнғироқ қилинг ва Солижон Абдурахмановни озод этишни сўранг). - https://secure.avaaz.org/en/petition/Kancleru_Germanii_Gospozhe_Angele_Merkel_Pozvonite_Prezidentu_RUz_i_poprosite_osvobodit_Salidzhona_Abdurahmanova/?preview=live (www.secure.avaaz.org/en/petition/ 10.11.2014).

7. О нас (Биз ҳақимизда). - http://www.avaaz.org/ru/about.php (www.avaaz.org/ru )

8. Инсон ҳуқуқлари Умумжаҳон Декларацияси. - https://tolibyoqubov.wordpress.com/%D0%B8%D0%BD%D1%81%D0%BE%D0%BD-%D2%B3%D1%83%D2%9B%D1%83%D2%9B%D0%BB%D0%B0%D1%80%D0%B8-%D1%83%D0%BC%D1%83%D0%BC%D0%B6%D0%B0%D2%B3%D0%BE%D0%BD-%D0%B4%D0%B5%D0%BA%D0%BB%D0%B0%D1%80%D0%B0%D1%86%D0%B8/ (www.tolibyoqubov.wordpress.com Ҳуқуқбон Толиб Ёқубовнинг блоги).

9. “Қўрқмайман” [Ислом Каримовдан] Интернет бўйлаб ёйилмоқда. - http://www.uznews.net/uz/politics/27307-qorqmajman-islama-karimovdan-internet-bojlab-jojilmoqda (www.uznews.net/uz/ 2014.22.08)

E-mail: jiz54@mail.ru , ergash1955@yahoo.com

2014 йил 30 ноябр

АҚШ, Вашингтон шаҳри