МОЛИТВЫ, ИКОНЫ, ОБРЯДЫ, ЧАСОВНИ

МОЛИТВА СВЯТОЙ МАТРОНЕ МОСКОВСКОЙ

О блаженная мати Матроно, душею на небеси пред Престолом Божиим предстоящи, телом же на земли почивающи, и данною ти свыше благодатию различныя чудеса источающи. Призри ныне милостивным твоим оком на ны, грешныя, в скорбех, болезнех и греховных искушениих дни своя иждивающия, утеши ны, отчаянныя, исцели недуги наши лютыя, от Бога нам по грехом нашим попущаемыя, избави нас от многих бед и обстояний, умоли Господа нашего Иисуса Христа простити нам вся наша согрешения, беззакония и грехопадения, имиже мы от юности нашея даже до настоящаго дне и часа согрешихом, да твоими молитвами получивше благодать и велию милость, прославим в Троице Единаго Бога, Отца, и Сына, и Святаго Духа, ныне и присно и во веки веков. Аминь.

Серия сообщений "МОЛИТВЫ":

Часть 1 - МОЛИТВА СВЯТОЙ МАТРОНЕ МОСКОВСКОЙ
Часть 2 - Молитва Симеону Верхотурскому
Часть 3 - КОГО ПРИЗЫВАТЬ НА ПОМОЩЬ В БЕДАХ И СКОРБЯХ
...
Часть 10 - Молитва перед Пасхой о выздоровлении
Часть 11 - СО СВЯТОЙ ТРОИЦЕЙ !!!
Часть 12 - Традиции празднования Троицы на Руси

МОЛИТВЫ НА ИСЦЕЛЕНИЕ. Mолитва «Об исцеление болящего»

«Владыко Вседержителю, Святый Царю, наказуяй и не умерщвляяй утверждаяй низпадающия и возводяй низверженныя, телесныя человеков скорби исправляяй, молимся Тебе, Боже наш, рабы Твоя (помянуть все имена) немощствующия посети милостию Твоею, прости им всякое согрешение вольное и невольное. Ей, Господи, врачебную Твою силу с небесе низпосли, прикоснися телеси, угаси огневицу, укроти страсть и всякую немощь таящуюся: буди врач рабов Твоих, зде ныне нами поминаемых, воздвигни я от одра болезненнаго, и от ложа озлобления целы и всесовершенны, даруй их церкви Твоей благоугождающия и творящия волю Твою. Твое бо есть, еже миловати и спасти ны, Боже наш, и Тебе славу возсылаем Отцу и Сыну и Святому Духу, ныне и присно, и во веки веков. Аминь».