![7074 (300x120, 35Kb)](//img0.liveinternet.ru/images/attach/c/6/92/726/92726578_7074.gif)
О святая всеблаженная мати Ксение!
Под покровом Всевышняго жившая, ведомая и укрепляемая Богоматерью,
голод и жажду, холод и зной, поношения и гонения претерпевшая,
дар прозорливости и чудотворения от Бога получила еси
и под сенью Всемогущего покоишися.
Ныне святая Церковь, яко благоуханный цвет, прославляет тя.
Предстояще на месте твоего погребения, пред образом твоим святым,
яко живей ти, сущей с нами, молимся ти:
приими прошения наша и принеси их ко престолу милосерднаго Отца Небеснаго,
яко дерзновение к Нему имущая, испроси притекающим к тебе вечное спасение,
на благая дела и начинания наша щедрое благословение, от всяких бед и скорбей избавление.
Предстани святыми твоими молитвами пред Всемилостивым Спасителем нашим о нас,
недостойных и грешных.
Помози, святая блаженная мати Ксение,
младенцы светом святого крещения озарити и печатию дара Духа Святаго запечатлети,
отроки и отроковицы в вере, честности, богобоязненности воспитати и успехи в учении им даровати;
болящия и недугующия исцели,
семейным любовь и согласие ниспосли,
монашествующих подвигом добрым подвизатися удостой и от поношений огради,
пастыри в крепости Духа Святаго утверди,
народ и страну нашу в мире и безмятежии сохрани,
о лишенных в предсмертный час причащения Святых Христовых Тайн умоли.
Ты наша надежда и упование, скорое услышание и избавление,
тебе благодарение воссылаем
и с тобою славим Отца и Сына и Святаго Духа, ныне и присно, и во веки веков.
Аминь.
Серия сообщений "МОЙ БОГ!!!":
Часть 1 - МОЛИТВА СВЯТОМУ ВЕЛИКОМУЧЕНИКУ И ЦЕЛИТЕЛЮ ПАНТЕЛЕЙМОНУ О БОЛЬНЫХ... ОБ ИЗЛЕЧЕНИИ БОЛЕЗНИ... О ЗДОРОВЬЕ...
Часть 2 - О МОЛИТВЕ... И ЕЕ ЭФФЕКТИВНОСТИ...
...
Часть 25 - Отче наш...
Часть 26 - Вечерние молитвы...
Часть 27 - Молитва Ксении Петербургской о любви.
Часть 28 - Молитва на удачу в любви.
Часть 29 - Молитва на обретение любви
...
Часть 38 - молитва о прощении рода.
Часть 39 - МОЛИТВА НА ОЧИЩЕНИЕ ОТ КАРМИЧЕСКИХ ПРОБЛЕМ.
Часть 40 - МОЛИТВА ДЛЯ ОЧИЩЕНИЯ РОДА ДО 12 КОЛЕНА.