Словы, музыка, выкананне - Анатоль Кудласевіч

ЗАГАВОРЫМ
Am C
Загаворым пра душу – пагаворым,
Dm E Am
Што салодка для яе, а што горыч,
Dm G C Am/ H7
Шчыры сябра хто, а хто люты вораг? –
Dm E Am
Загаворым пра душу, пагаворым…
Am/C/E/Am

Загаворым пра любоў – пагаворым:
Пачуццё нас узнімае да зорак,
І кідае апасля нас у прорву, --
Загаворым пра любоў, пагаворым…

Загаворым пра людзей – пагаворым:
Людзі страцілі сумленне і сорам,
І адбіткі ў іх на тварах суворы –
Загаворым пра людзей, пагаворым…

Загаворым пра яго – пагаворым:
Ён багацця назбіраў цэлы ворах,
І нікому нат рубля не падорыць, --
Загаворым пра яго, пагаворым.

Загаворым пра цябе – пагаворым:
Ну і доля ж у цябе – цмяны морак,
Цераз край пераліваецца гора –
Загаворым пра цябе, пагаворым…

Загаворым пра мяне – пагаворым:
Злы-бяда перабірае ўсе нормы,
Ох, круты ж у майго жыццейка нораў, --
Загаоврым пра мяне, пагаворым…

Загаворым пра жыццё – пагаворым,
Пагаворым пра жыццё без дакору,
Гаварылі мы і сёння і ўчора:
Пагаворым пра жыццё, пагаворым…

Так гаворым мы з табой, і гаворым –
А гадочкі нашы збеглі за горы,
А дзянёчкі адляцелі за моры –
Мы гаворым, і гаворым, гаворым – яшчэ 2 разы.