Понедельник, 15 Февраля 2010 г. 03:09
+ в цитатник
Не варта дбаць пра свой блог на зямлі, дзе старонкі ўзломваюць, сістэмы ляцяць і вірусы перашкаджаюць і знішчаюць вобразы; калі па-сапраўднаму ствараць свой блог, дык то на нябёсах, дзе вірусы не перашкаджаюць, хакеры не ўзломваюць, вобразы - вечныя, і сістэма ніколі не паляціць, бо яна дасканалая.
Прабач мяне, Госпадзе, за надта вольную перафразоўку... Аднак гэта тое, што ёсьць маім адчуваннем.
Понедельник, 03 Августа 2009 г. 23:36
+ в цитатник
Веліч шматпавярховак
рассцілаецца дымам маркотным,
рассцілаецца попелам,
попелам самотным...
Што ты скажаш мен, попел?
Чаму ты турбуеш мяне?
Я, здаецца, ужо супакоілася...
А ты мне гаварыш: - Так балюча
згасаюць вогнішчы...
Нехта шэпча, бы у сне:
"Пані, мне так холадна!"
...Што рабіць мне з гэтымі слязьмі
на вачах,
калі я бачу гэты попел?
Што раблю - працягваю руку
і спрабую попел на смак.
Мне здаецца, што ён будзе як хлеб,
што ён будзе як веліч мінулага...
Але не - попел горкі-горкі...
Нехта бярэ
трохі роднай зямлі за пазуху,
а я
збіраю попел...