![](//img0.liveinternet.ru/images/attach/c/1//49/788/49788512_1255333124_1.gif)
АКАФИСТ ПРЕСВЯТЕЙ БОГОРОДИЦЕ В ЧЕСТЬ ЧУДОТВОРНЫЯ ИКОНЫ ЕЯ "ЗНАМЕНИЕ"(скачать с сервера)
![](//img0.liveinternet.ru/images/attach/c/1//49/754/49754193_1989112_070730101803933993.gif)
Величание
Величаем Тя, Пресвятая Дево,
и чтим образ Твой честный,
имже показала еси преславное знамение.
Тропарь
Яко необоримую стену и источник чудес
стяжавше Тя раби Твои, Богородице пречистая,
сопротивных ополчения низлагаем.
Темже молим Тя:мир граду Твоему даруй
и душам нашим велию милость.
![](//img0.liveinternet.ru/images/attach/c/1//49/754/49754193_1989112_070730101803933993.gif)
О Пресвятая и Преблагословенная Мати сладчайшаго Господа нашего Иисуса Христа! Припадаем и покланяемся Тебе пред святою чудотворною иконою Твоею, воспоминающе дивное знамение Твоего заступления, великому Новуграду от нея явленное во дни ратнаго на сей град нашествия. Смиренно молим Тя, всесильная рода нашего Заступнице: якоже древле отцем нашим на помощь ускорила еси, тако и ныне нас, немощных и грешных, сподоби Твоего матерняго заступления и благопопечения. Спаси и сохрани. Владычице, под кровом милости Твоея Церковь Святую, град Твой, всю страну нашу православную и всех нас, припадающих к Тебе с верою и любовию, умиленно просящих со слезами Твоего заступления. Ей, Госпоже всемилостивая! Умилосердися на ны, обуреваемыя грехи многими, простри ко Христу Господу богоприемныя руце Твои и предстательствуй за нас пред благостию Его, просящи нам прощения прегрешений наших, благочестнаго мирнаго жития, благия христианския кончины и добраго ответа на Страшнем суде Его, да спасаеми всесильными Твоими к Нему молитвами, блаженство райское унаследуем и со всеми святыми воспоем пречестное и великолепое имя достопокланяемыя Троицы, Отца и Сына и Святаго Духа, и Твое велие к нам милосердие во веки веков. Аминь.
![](//img0.liveinternet.ru/images/attach/c/1//49/754/49754193_1989112_070730101803933993.gif)
|