Праведный Симеон Богоприимец, как свидетельствует Евангелие от Луки, – благочестивый житель Иерусалима, с именем которого связано событие Сретения Господня. Считается, что Симеон был одним из 70 (или 72-х) переводчиков-толкователей, которые в III–IIвв. до Р.Х. создали греческий перевод еврейской Библии (лат. Септуагинта – перевод семидесяти).

Праведному Симеону Богоприимцу, помимо прочего, молятся о покровительстве детям, об исцелении младенцев и сохранении их здравия, избавлении от бед, утешении в скорбях, а также о людях, находящихся в заключении или в плену, и об освобождении их (преподобному Петру Афонскому, попавшему в плен, явился святитель Николай Мирликийский и научил его молиться об освобождении праведному Симеону).

Молитва первая

праведному Симеону Богоприимцу

О Богоприимче Симеоне! Услыши нас, грешных рабов Божиих (имена), и не отыми помощи твоея от нас, моли благость Господа, яко да отвратит от нас гнев Свой, праведно по делом нашим на ны движимый, и, презрев безчисленная прегрешения наша, обратит нас на путь покаяния и на стези заповедей Своих утвердит нас. Огради молитвами твоими в мире жизнь нашу и во всем благом благое поспешение испроси, вся к животу и благочестию потребная нам даруя, яко да тихое и безмолвное житие поживем во всяком благочестии и чистоте, и тако в вечный достигнем покой, идеже сподобимся Небеснаго Царствия Христа Бога нашего, Емуже всякая слава подобает, со Отцем и Пресвятым Его Духом, ныне и присно и во веки веков. Аминь.

Молитва вторая

праведному Симеону Богоприимцу

О великий угодниче Божий и Богоприимче Симеоне! Призри на мя грешнаго, ко святей иконе твоей припадающа и просяща твоего заступления и помощи. Скорбь бо обдержит мя от обстоящих мя ныне бед и зол, и утешения не имам многоболезненней души моей. Исках бо помощи от человек, и не обретеся. Вопиях ко Господу, и не услыша мя, зане прогневах пречистую благость Его беззаконьми моими и множеством многих грехов моих преогорчих человеколюбную утробу Его. И кто ми ныне помощь явит? Кто ми скорбь утолит? Кто даст отраду и успокоение многомятежней души моей? К тебе, великий угодниче Божий, прибегаю грешный и недостойный аз, ведый, яко велие дерзновение имаши ко Христу Богу и многомощен предстатель еси о всех, с верою к тебе прибегающих и твоего заступления и помощи требующих. Моли убо Человеколюбца Господа, яко да, простив ми безчисленная моя прегрешения, не отвратит милость Свою от мене, но яко благ и сострадателен явит и мене безконечное Свое милосердие, и в лютем напастей и бед моих озлоблении подаст ми всесильную помощь Свою, и преогорченней души моей ослабу, мир, укрепление, утешение и успокоение дарует. Ей, великий угодниче Божий! Вознеси богоноснеи руце твои ко Иже на объятиих твоих носитися изволившему Христу Богу нашему, и моли благость Его, да не отринет моления сердца моего, недостоинства ради моего, но явит мне благовременне милость Свою, во славу безконечных щедрот Своих и многомощнаго предстательства твоего, о Немже подобает Ему всякая слава и благодарение купно со Отцем и Пресвятым Его Духом, ныне и присно и во веки веков. Аминь.

© Михаил Тихомиров

Цитируется в сокращении по кн.: МОЛИТВЫ О ЗДРАВИИ МЛАДЕНЦЕВ. – М.: Изд. Тихомирова М.Ю., 2017, с. 41-44.ИС Р15-534-3549

Молитвы на разные случаи https://www.pravmolitva.ru/catalog/molitvy-o-raznyh-nuzhdah.html