Перед иконой «Нечаянная Радость» помощи Пресвятой Богородицы просят люди, желающие избавления от грехов, страстей, скорбей, болезней, в частности, глухоты, и других бед, нуждающиеся в заступничестве в самых разнообразных случаях. Ей молятся о содействии в добрых делах, об избавлении от искушений и соблазнов, врагов видимых и невидимых, о помощи путешествующим, голодающим, людям, не имеющим крова и пристанища, вдовам, сиротам, обидимым, оклеветанным, неправедно гонимым; о любви, единомыслии и примирении супругов, помощи в родах, воспитании детей и о многом другом, о чем скорбит душа. Известны факты, когда по усердным молитвам перед этой иконой происходило нравственное перерождение грешников, возвращались с войны солдаты, считавшиеся погибшими, подавалась быстрая помощь в решении жилищных, семейных и многих других проблем, обретали нечаянную радость и утешение отчаявшиеся.

Молитва ко Пресвятой Богородице

пред иконою «Нечаянная Радость»

О Пресвятая Дево, Всеблагаго Сына Мати Всеблагая, града и святаго храма сего Покровительнице, всех сущих во гресех и скорбех, бедах же и болезнех верная Предстательнице и Заступнице! Приими молебное пение сие от нас, недостойных раб Твоих, Тебе возносимое; и якоже древле грешника, на всяк день многажды пред честною иконою Твоею молившагося, не презрела еси, но нечаянную радость покаяния тому даровала еси и усердным к Сыну Твоему ходатайством Сего ко прощению грешника преклонила еси, тако и ныне не презри моления нас, недостойных раб Твоих, и умоли Сына Твоего и Бога нашего, да и всем нам, с верою и умилением пред цельбоносным образом Твоим поклоняющимся, по коегождо потребе нечаянную радость дарует: грешником, во глубине зол и страстей углебающим, вседейственное вразумление, покаяние же и спасение; сущим в скорбех и печалех утешение; в бедах и озлоблениих пребывающим совершенное сих избытие; малодушным и ненадежным надежду и терпение; в радости и изобилии живущим непрестанное Благодетелю Богу благодарение; бедствующим милость; сущим в болезни и долгонедужии и оставленным врачами нечаемое исцеление и укрепление; иждившим от недуга ум ума возвращение и обновление; отходящим в вечную и нескончаемую жизнь память смертную, умиление и о гресех сокрушение, дух бодр и твердую на милосердие Судии надежду. О Госпоже Пресвятая! Умилосердися ко всем, чтущим всечестное имя Твое, и всем яви всемощный Покров Твой и заступление: во благочестии, чистоте и честнем жительстве пребывающия до последняго их скончания во благости соблюди; злыя благи сотвори; заблуждшия на путь правый настави; всякому делу благому и Сыну Твоему угодному споспешествуй; всякое злое и богопротивное начинание разруши; в недоумении и злых обстояниих сущим незримую помощь и вразумление с Небесе низпосли; от искушений, соблазнов и погибели спаси; от всех злых человек и от враг видимых и невидимых люди Твоя защити и сохрани; плавающим сплавай; путешествующим спутешествуй; сущим в нужде и гладе буди Питательница; не имущим крова и пристанища буди покров и прибежище; нагим подаждь одеяние, обидимым и неправедно гонимым заступление; клевету, поношение и хуление терпящия незримо оправдай; клеветники и хулители пред всеми обличи; ожесточенно враждующим нечаемое подаждь примирение и всем нам друг ко другу любовь и мир, благочестие же и здравие со долгоденствием. Супружества в любви и единомыслии сохрани; супруги, во вражде и разделении сущия, умири, соедини я друг ко другу и положи им союз любве неразрушимый; матерем, дети родящим, скорое подаждь разрешение; младенцы воспитай; юныя уцеломудри, отверзи им ум к восприятию всякаго полезнаго учения, страху Божию и воздержанию, и трудолюбию настави; от домашния свары единокровныя люди миром и любовию огради; сиротам буди Мати, от всякаго порока и скверны отврати я и всему благому и богоугодному научи; прельщенныя же и во грех и в нечистоту впадшия, скверну греха отъявши, из бездны погибели изведи; вдовицам буди Утешительница и Помощница, старости буди жезл; от внезапныя смерти без покаяния всех нас избави и всем нам христианскую кончину живота нашего, безболезненну, непостыдну, мирну и добрый ответ на Страшнем Судищи Христове даруй; преставльшияся в вере и покаянии от жития сего со Ангелы и всеми святыми жити сотвори; скончавшимся внезапною смертию милостива быти Сына Твоего умоли и о всех усопших, паче же о сих, иже не имут сродников, о упокоении их молящихся, Сама буди непрестанная и теплая Молитвенница и Ходатаица: да вси на Небеси и на земли ведят Тя, яко твердую и непостыдную Предстательницу рода христианскаго, и сие ведуще, славят Тя и Тобою Сына Твоего, со Безначальным Его Отцем и Единосущным Его Духом, ныне и присно и во веки веков. Аминь.

© Михаил Тихомиров

Цитируется в сокращении по кн.: МОЛИТВЫ О СЧАСТЛИВОМ БРАКЕ И СУПРУЖЕСКОЙ ЛЮБВИ. – М.: Изд. Тихомирова М.Ю., 2016, с. 29-32. ИС Р16-520-0946

Книги о Пресвятой Богородице https://www.pravmolitva.ru/catalog/knigi-o-presvyatoy-bogorodice.html