Цитата сообщения TATYSIY Иерусалимская икона Божией Матери

Икона Богоматери «Иерусалимская» считается целительной. Известны многие случаи избавления от различных болезней, но более всего молитва перед Иерусалимским образом помогает при заболеваниях глаз, вплоть до слепоты, от паралича (его в старину называли расслаблением). В годы эпидемий холеры общая молитва перед Иерусалимской иконой Божьей Матери помогала остановить наступление болезни. Молитва перед ней избавляет от пожаров, от вторжения врагов в пределы Отечества.

Празднование иконы Божией Матери Иерусалимская совершается Церковью 12/25 октября.

Храм Живоначальной Троицы на Воробьевых горах

Тропарь
Твоего предстательства уверение / и милосердия Твоего явление / икона Иерусалимская нам, Владычице, показася / пред нею же души наша в молитве изливаем / и верою Тебе вопием: / воззри, Милосердая, на люди Твоя, / вся скорби наша и печали утоли, / утешение благое в сердца наша низпосли / и спасение вечное душам нашим, Пречистая, испроси.

Кондак, глас 5
Не отрини, о Милосердая Мати, слез и воздыханий наших, но прошения наша милостивно приимши, пред Иерусалимскою иконою Твоею молящихся людей веру укрепи, умилением сердца их исполни, и крест земнаго жития нести им помози, елика бо хощеши можеши.

Величание
Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем, с верою притекающим.

Молитва первая
О Пресвятая и Преблагословенная Мати Господа и Спаса нашего Иисуса Христа Пречистая Приснодево Богородице Марие, Покровительнице и Заступнице наша! Припадаем и поклоняемся Тебе пред святою и чудотворною Иерусалимскою иконою и смиренно молимся Тебе, вонми гласу молитв наших от души приносимых Ти, виждь скорби и искушения наша, и яко воистинну любвеобильная Матерь потщися помощи нам безпомощным, унылым, во многия грехи впадающым и присно прогневляющым Господа и Создателя нашего. Егоже умоли, Владычице, да не погубит нас со беззаконии нашими, но ради Твоего предстательства явит нам человеколюбную Свою милость, испроси нам, Всеблагая, здравие душевное и телесное, покаяние во гресех совершенное, преспеяние в добродетелех христианских, благодатное, мирное и благочестное житие, земли плодоносие, воздуха благорастворение, дожди благовременны и благословение свыше на вся благая дела и начинания наша. Сохрани и соблюди ны в мире и благоустроении, и споспеши всем нести иго Христово благое и легкое в терпении и смирении, во спасение душ наших, ограждая нас Матерним покровом Твоим от искушений диавольских и всякого зла.

О, Царице всепетая, Мати Божия всеблагая! Простри богоноснии руце Твои на умоление к возлюбленному Сыну Твоему, Господу нашему Иисусу Христу и приемь сомолитвенники к Нему, вкупе с Тобою на иконе Твоей изображенная, праведныя родители Твоя, Иоакима и Анну, с ними умоли Его помиловати нас и избавити от погибели вечныя, и якоже иногда в скорби велицей пред сею иконою Твоею молившемуся Нилу утешение и обетование благое даровала еси, тако и ныне нас смиренных и грешных молящихся, услыши и яви нам великия Твоя щедроты: болящий исцели, скорбящыя уте-ши, бедствующыя от бед избави, путешествующыя и мореплавающыя невредими сохрани, и вся ны сподоби благочестно житие наше земное скончати, благую христианскую кончину получити, Святых Тайн при-частницы быти, и небесное царствие унаследовати: да во свете и радости святых поем и величаем милосердие Твое и Рождшагося от Тебе Господа нашего Иисуса Христа. Емуже со безначальным его Отцем и Пресвятым Духом подобает всякая слава, честь и поклонение, во веки веков. Аминь.

Молитва вторая
Пресвятая Госпоже Владычице Богородице, упование всех уповающих на Тя, Заступнице печальных, Прибежище отчаянных, вдов и сирот Питательнице! Услыши и помилуй ны, грешныя и недостойныя рабы Твоя, со умилением ко пречистому Твоему образу припадающия: умоли, Милосердая Владычице, Сына Твоего и Господа нашего Иисуса Христа, да отвратит от нас праведный гнев Свой, да простит грехи и беззакония наша, яко да сподобимся благостию Его скончати житие наше в покаянии и получити милость Его со всеми избранными Его, яко благословена и препрославлена еси во веки веков. Аминь.
источник