Пророк Наум (VIIв. до Р. Х.) – один из двенадцати так называемых малых пророков, родом из Елкоша, города на севере Палестины. Проповедовал на закате Израильского царства, в период царствования Езекии. Обстоятельства жизни пророка почти неизвестны. По некоторым сведениям, он скончался в 45-летнем возрасте.

На Руси пророка Наума издавна почитали как помощника в «умственных» занятиях, «грамотника». Поэтому у пророка, помимо прочего, просят помощи начинающим учиться детям, мудрости в учении и управлении пастырям Церкви.

 

Молитва первая пророку Науму

 

Святый пророче Божий Науме, вразуми мя и накажи своею милостию добре руководствию навыкати. Аминь.

 

Молитва вторая пророку Науму

 

О прехвальный и пречудный пророче Божий Науме! Услыши нас, грешных и непотребных, в час сей предстоящих пред святою твоею иконою и усердно прибегающих к ходатайству твоему. Моли о нас Человеколюбца Бога, да подаст нам дух покаяния и сокрушения о гресех наших и всесильною Своею благодатию да поможет нам оставити пути нечестия, преспевати же во всяком деле блазе, да укрепит нас в борьбе со страстьми и похотьми нашими; да всадит в сердце наше дух смирения и кротости, дух братолюбия и незлобия, дух терпения и целомудрия, дух ревности к славе Божией и спасению ближних. Упраздни молитвами твоими, пророче, злыя обычаи мира, паче же погибельный и тлетворный дух века сего, заражающий христианский род неуважением к Божественней Православней вере, к уставам Святыя Церкви и к заповедем Господним, непочтением к родителем и властем предержащим, и низвергающий людей в бездну нечестия, развращения и погибели. Отврати от нас, пречудне пророче, предстательством твоим праведный гнев Божий, и избави вся грады и веси царства нашего от бездождия и глада, от страшных бурь и землетрясений, от смертоносных язв и болезней, от нашествия врагов и междоусобныя брани. Укрепи твоими молитвами православных людей, благопоспешествуй им во всех благих деяниих и начинаниих к водворению мира и правды в державе их. Пособствуй всероссийскому христолюбивому воинству во бранех со врагами нашими. Испроси, пророче Божий, от Господа пастырем нашим святую ревность по Бозе, сердечное попечение о спасении пасомых, мудрость в учении и управлении, благочестие и крепость во искушениих, судиям испроси нелицеприятие и безкорыстие, правоту и сострадание к обидимым, всем начальствующим попечение о подчиненных, милость и правосудие, подчиненным же покорность и послушание ко властем и усердное исполнение своих обязанностей; да, тако в мире и благочестии поживше в сем веце, сподобимся причастия вечных благ в Царствии Господа и Спаса нашего Иисуса Христа, Емуже подобает честь и поклонение со Безначальным Его Отцем и Пресвятым Духом, во веки веков. Аминь.

 

© Михаил Тихомиров

Цитируется в сокращении по кн.: МОЛИТВЫ О ПОМОЩИ В УЧЕНИИ И ПРОСВЕЩЕНИИ РАЗУМА. – М.: Изд. Тихомирова М.Ю., 2016, с. 45-48. ИС Р15-535-3569

 

Молитвы на разные случаи https://www.pravmolitva.ru/catalog/molitvy-o-raznyh-nuzhdah.html